بيىل استرونوميالىق ەسەپ بويىنشا كۇن مەن ءتۇن 20 ناۋرىزدا تەڭەلدى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
2025 جىلى كوكتەمگى كۇن تەڭەسۋى 20 ناۋرىز كۇنى استانا ۋاقىتىمەن 14:01-دە (09:01 GMT) وتەدى. بۇل - استرونوميالىق كوكتەمنىڭ باستالۋى ءساتى.
كوپتەگەن حالىقتار بۇل كۇندى ەرەكشە دەپ ساناعان.
بۇل قۇبىلىس جىلىنا ەكى رەت – ناۋرىز جانە قىركۇيەك ايلارىندا ورىن الادى. كوكتەمگى كۇن مەن ءتۇننىڭ تەڭەلۋى مەرەكە رەتىندە اتالادى. كۇن كۇنتىزبەسىن قولداناتىن ەلدەردە استرونوميالىق ەسەپ بويىنشا ناۋرىز مەرەكەسىن تويلاۋدى بۇگىننەن باستالادى.
اسپان دەنەلەرىنىڭ ءجۇرىسى بويىنشا، سولتۇستىك جارتى شاردا كوكتەمگى كۇن مەن ءتۇننىڭ تەڭەلۋى بيىل 20 ناۋرىزعا سايكەس كەلدى. كۇن وڭتۇستىك جارتى شاردان سولتۇستىك جارتى شارعا اۋىسقاندا كوكتەمگى كۇن مەن ءتۇن تەڭەلەدى. كۇن مەن ءتۇننىڭ تەڭەلۋ مەرزىمى ءار جىلى وزگەرىپ تۇرادى. ادەتتە، ءار جىلدارى 19 ناۋرىز بەن 22 ناۋرىز اراسىندا اۋىسىپ كەلەدى.
ايتا كەتەيىك، بىلتىرعى كوكتەمگى كۇن مەن ءتۇننىڭ تەڭەلۋ ۋاقىتى 20 ناۋرىز كۇنى ساعات 8-دەن 6 مينۋت كەتكەن ۋاقىتقا سايكەس كەلگەن.
قازاقستان تاۋەلسىزدىك العان كەزدە 22 ناۋرىزدى ناۋرىز مەرەكەسى، ۇلىستىڭ ۇلى كۇنى رەتىندە اتاپ ءوتتى. كەيىننەن بۇل مەرەكەنى ناۋرىزدىڭ 21-ىنەن باستاپ تويلايتىن بولدى.
