قازاقستان باس پروكۋراتۋراسى كاسىپكەر راميس يبراگيموۆتىڭ ارىزى بويىنشا قىلمىستىق ءىس قوزعادى. بۇعان دەيىن ول ەكس-سەناتور ەرلان نىعماتۋليندى – ءماجىلىستىڭ بۇرىنعى توراعاسى نۇرلان نىعماتۋليننىڭ سىڭارىن – رەيدەرلىككە ايىپتاعان، دەپ حابارلايدى "ادىرنا" ۇلتتىق پورتالى قازتاگ-قا سىلتەمە جاساپ.
سارسەنبى كۇنى باس پروكۋراتۋرانىڭ ءباسپاسوز قىزمەتى بوپسالاۋ فاكتىسى بويىنشا قىلمىستىق ءىس قوزعالعانىن راستادى.
11 ناۋرىزدا قاراعاندى قالاسىنىڭ تۇرعىنى، Zara فرانشيزاسىنىڭ بۇرىنعى يەسى ناتاليا وۆدەيچۋك پەن ونىڭ جۇبايى راميس يبراگيموۆ ەرلان نىعماتۋليندى رەيدەرلىككە قاتىسى بار دەپ ايىپتاعان.
نۇرلان نىعماتۋلين 2022 جىلعى 1 اقپاندا ءماجىلىس توراعاسى قىزمەتىنەن كەتتى. ول 2016 جىلدان باستاپ تومەنگى پالاتانى باسقارعان، بۇعان دەيىن 2012-2014 جىلدارى دا ءماجىلىس سپيكەرى بولعان. ءار جىلدارى ول پرەزيدەنت اكىمشىلىگىن باسقاردى جانە قاراعاندى وبلىسىنىڭ اكىمى قىزمەتىن اتقاردى.
ەرلان نىعماتۋلين – نۇرلان نىعماتۋليننىڭ ەگىز سىڭارى – ءماجىلىس پەن سەناتتا دەپۋتات بولعان.
ولاردىڭ ۇلكەن اعاسى – ارعىن نىعماتۋلين قاراعاندى وبلىستىق ءماسليحاتىنىڭ بۇرىنعى دەپۋتاتى.
نىعماتۋليندەرگە قاتىستى رەيدەرلىك، قىلمىستىق قۇرىلىمدارعا قاتىسى بار بولۋى، زاڭسىز سحەمالارعا ارالاسۋى جانە قىلمىستىق ىستەردى قولدان ۇيىمداستىرۋى تۋرالى ايىپتاۋلار بىرنەشە رەت ايتىلعان. الايدا، ولار ءالى كۇنگە دەيىن بوستاندىقتا.
2025 جىلعى 7 قاڭتاردا نىعماتۋليندەرگە رەيدەرلىككە قاتىستى جاڭا ايىپتاۋلاردان كەيىن پرەزيدەنت قاسىم-جومارت توقاەۆتى بيلىكتەن كەتىرۋگە دايىندالدى دەگەن كۇدىك بار ەكەنى حابارلانعان بولاتىن.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز