Qazaqstan Bas prokuraturasy käsıpker Ramis İbragimovtyŋ aryzy boiynşa qylmystyq ıs qozǧady. Būǧan deiın ol eks-senator Erlan Nyǧmatulindı – Mäjılıstıŋ būrynǧy töraǧasy Nūrlan Nyǧmatulinnıŋ syŋaryn – reiderlıkke aiyptaǧan, dep habarlaidy "Adyrna" ūlttyq portaly QazTAG-qa sılteme jasap.
Särsenbı künı Bas prokuraturanyŋ baspasöz qyzmetı bopsalau faktısı boiynşa qylmystyq ıs qozǧalǧanyn rastady.
11 nauryzda Qaraǧandy qalasynyŋ tūrǧyny, Zara franşizasynyŋ būrynǧy iesı Natalia Ovdeichuk pen onyŋ jūbaiy Ramis İbragimov Erlan Nyǧmatulindı reiderlıkke qatysy bar dep aiyptaǧan.
Nūrlan Nyǧmatulin 2022 jylǧy 1 aqpanda Mäjılıs töraǧasy qyzmetınen kettı. Ol 2016 jyldan bastap tömengı palatany basqarǧan, būǧan deiın 2012-2014 jyldary da Mäjılıs spikerı bolǧan. Är jyldary ol Prezident Äkımşılıgın basqardy jäne Qaraǧandy oblysynyŋ äkımı qyzmetın atqardy.
Erlan Nyǧmatulin – Nūrlan Nyǧmatulinnıŋ egız syŋary – Mäjılıs pen Senatta deputat bolǧan.
Olardyŋ ülken aǧasy – Arǧyn Nyǧmatulin Qaraǧandy oblystyq mäslihatynyŋ būrynǧy deputaty.
Nyǧmatulinderge qatysty reiderlık, qylmystyq qūrylymdarǧa qatysy bar boluy, zaŋsyz shemalarǧa aralasuy jäne qylmystyq ısterdı qoldan ūiymdastyruy turaly aiyptaular bırneşe ret aitylǧan. Alaida, olar älı künge deiın bostandyqta.
2025 jylǧy 7 qaŋtarda Nyǧmatulinderge reiderlıkke qatysty jaŋa aiyptaulardan keiın prezident Qasym-Jomart Toqaevty bilıkten ketıruge daiyndaldy degen küdık bar ekenı habarlanǧan bolatyn.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz