قازاقستان رەسپۋبليكاسىنىڭ سىرتقى ىستەر ءمينيسترى مۇرات نۇرتىلەۋ مەن اقش-تىڭ مەملەكەتتىك حاتشىسى ماركو رۋبيو تەلەفون ارقىلى سويلەستى، دەپ حابارلايدى “ادىرنا” ۇلتتىق پورتالى.
نەگىزگى تاقىرىپ — ەكى ەل اراسىنداعى ستراتەگيالىق ارىپتەستىك جانە ەكونوميكالىق بايلانىستاردى دامىتۋ بولدى.
قر ءسىم رەسمي مالىمەتىنە سايكەس، تاراپتار ساياسي ديالوگ پەن ەكونوميكالىق قارىم-قاتىناستى نىعايتۋ ماسەلەلەرىن تالقىلاپ، جاھاندىق قاۋىپسىزدىك پەن وڭىرلىك تۇراقتىلىققا قاتىستى پىكىر الماستى. سونداي-اق تۇراقتى بايلانىستاردى ساقتاۋعا ۋاعدالاستى.
اقش مەملەكەتتىك دەپارتامەنتى تاراتقان اقپاراتقا سايكەس، ماركو رۋبيو قازاقستاننىڭ ەكونوميكالىق ءارتاراپتاندىرۋ مەن اشىقتىققا ۇمتىلىسىن قولدايتىنىن ءبىلدىردى. اقش ەنەرگەتيكا، تەلەكوممۋنيكاتسيا جانە سيرەك مەتالدار سەكتورىندا قازاقستانمەن ارىپتەستىكتى كەڭەيتۋدى كوزدەيدى.
