قازاقستاندىق ۆولەيبولشى، قازاقستان رەسپۋبليكاسى قۇراماسىنىڭ مۇشەسى سابينا التىنبەكوۆا جەكە ومىرىنە قاتىستى تاراعان قاۋەسەتتەرگە جاۋاپ بەردى. ول رەسمي تۇردە اجىراسقانىن مالىمدەدى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە وقىرماندارىنىڭ ءبىرى سپورتشىعا «سىزدەر ايىرىلىسىپ كەتتىڭىزدەر مە؟» دەگەن سۇراق قويعاندا، سابينا بۇل اقپاراتتى راستادى.
"مەن رەسمي تۇردە نەكەدە بولدىم جانە رەسمي تۇردە اجىراستىم. بۇل جايتقا قاتىستى كوپتەگەن ساۋال بولدى. وسى جاۋابىممەن بارىنە نۇكتە قويامىن", – دەدى ول.
ەسكە سالا كەتەيىك، سابينا التىنبەكوۆا 2020 جىلى كاسىپكەر سايات سالمانۇلىنا تۇرمىسقا شىعىپ، 2021 جىلى ۇلدى بولعان.
ول يندونەزيانىڭ «Yogya Falcons» كومانداسىندا وينادى. الايدا قازىر استاناعا ورالىپ، بولاشاق جوسپارلارىنا قاتىستى جاقىن ارادا مالىمدەمە جاسايتىنىن ايتتى.
