الماتىدا پسيحيكالىق ساۋىقتىرۋ ورتالىعىنىڭ جالعىزباستى ناۋقاستارىن ۇرلاپ، ءولتىرىپ، ولاردىڭ پاتەرلەرىن زاڭسىز ساتۋمەن اينالىسقان ۇيىمداسقان قىلمىستىق توپتىڭ مۇشەلەرى سوتتالدى، دەپ حابارلايدى "ادىرنا" ۇلتتىق پورتالى وردا.kz-كە سىلتەمە جاساپ.
سوت پروتسەسى 7 ايعا سوزىلىپ، 37 قىلمىستىق ەپيزود قارالدى. تەرگەۋ بارىسىندا 22 ايىپتالۋشىنىڭ ەكى كىسى ءولتىرۋ، پسيحيكالىق ناۋقاستاردى ۇرلاۋ، ولاردىڭ پاتەرلەرىن زاڭسىز وزگە ادامدارعا راسىمدەۋ جانە ارزان باعاعا ساتۋ ارەكەتتەرىنە قاتىسى بارى دالەلدەندى.
سوت ۇكىمى بويىنشا ايىپتالۋشىلار 3 جىلدان 18 جىلعا دەيىن باس بوستاندىعىنان ايىرىلدى.
تەرگەۋ انىقتاعانداي، قىلمىستىق توپ پسيحيكالىق ناۋقاستار تۋرالى مالىمەتتەردى پسيحيكالىق دەنساۋلىق ورتالىعىنىڭ قىزمەتكەرلەرى ءبولىم مەڭگەرۋشىلەرى ارقىلى العان. ولار ناۋقاستاردىڭ جەكە دەرەكتەرى مەن پاتەر كىلتتەرىن قىلمىستىق توپ مۇشەلەرىنە بەرىپ وتىرعان.
ادۆوكاتتار مەن جابىرلەنۋشىلەر سوت شەشىمىمەن كەلىسەتىندەرىن مالىمدەدى. ايىپتالۋشىلاردىڭ كەيبىرى ءوز كىناسىن مويىنداعان جوق، سوت ۇكىمىنە شاعىم ءتۇسىرۋى مۇمكىن. قازىر تەرگەۋ ورگاندارى وسى ىسكە قاتىستى تاعى ەكى كىسى ءولتىرۋ فاكتىسى بويىنشا تەرگەۋدى جالعاستىرۋدا.
