Almatyda psıhıkalyq saýyqtyrý ortalyǵynyń jalǵyzbasty naýqastaryn urlap, óltirip, olardyń páterlerin zańsyz satýmen aınalysqan uıymdasqan qylmystyq toptyń músheleri sottaldy, dep habarlaıdy "Adyrna" ulttyq portaly Orda.kz-ke silteme jasap.
Sot proesi 7 aıǵa sozylyp, 37 qylmystyq epızod qaraldy. Tergeý barysynda 22 aıyptalýshynyń eki kisi óltirý, psıhıkalyq naýqastardy urlaý, olardyń páterlerin zańsyz ózge adamdarǵa rásimdeý jáne arzan baǵaǵa satý áreketterine qatysy bary dáleldendi.
Sot úkimi boıynsha aıyptalýshylar 3 jyldan 18 jylǵa deıin bas bostandyǵynan aıyryldy.
Tergeý anyqtaǵandaı, qylmystyq top psıhıkalyq naýqastar týraly málimetterdi Psıhıkalyq densaýlyq ortalyǵynyń qyzmetkerleri bólim meńgerýshileri arqyly alǵan. Olar naýqastardyń jeke derekteri men páter kiltterin qylmystyq top múshelerine berip otyrǵan.
Advokattar men jábirlenýshiler sot sheshimimen kelisetinderin málimdedi. Aıyptalýshylardyń keıbiri óz kinásin moıyndaǵan joq, sot úkimine shaǵym túsirýi múmkin. Qazir tergeý organdary osy iske qatysty taǵy eki kisi óltirý faktisi boıynsha tergeýdi jalǵastyrýda.
