ءيزرايلدىڭ ەنەرگەتيكا ءمينيسترى ەلي كوەن گازا سەكتورىنا ەلەكتر ەنەرگياسىن بەرۋدى دەرەۋ توقتاتۋ تۋرالى بۇيرىق بەردى. بۇل تۋرالى 9 ناۋرىزدا The Times of Israel گازەتى جازدى، دەپ حابارلايدى «ادىرنا» ءتىلشىسى.
«ءبىز كەپىلگە الىنعان ادامداردى بوساتىپ، ولاردى گازادا قالدىرماۋ ءۇشىن قولىمىزداعى بارلىق مۇمكىن قۇرالدى پايدالانامىز»،—دەدى مينيستر.
ال حاماس وكىلدەرى يزرايل بيلىگىنىڭ بۇل شەشىمىن گازا سەكتورىنداعى اتىستى توقتاتۋ كەلىسىمىن ورەسكەل بۇزۋ دەپ اتادى.
«ءيزرايلدىڭ سوڭعى ارەكەتتەرى بارلىق قول قويىلعان كەلىسىم مەن حالىقارالىق قۇقىقتى ورەسكەل بۇزۋعا جاتادى»،—دەپ پىكىر ءبىلدىردى حاماس ساياسي بيۋروسىنىڭ مۇشەسى يززات ار-ريشك.
ەسكە سالايىق، 19 قاڭتاردا يزرايل گازا سەكتورىندا اتىستى دوعارۋ رەجيمى ەنگىزىلگەنىن جاريالاعان ەدى.
