Izraıldiń energetıka mınıstri Elı Koen Gaza sektoryna elektr energııasyn berýdi dereý toqtatý týraly buıryq berdi. Bul týraly 9 naýryzda The Times of Israel gazeti jazdy, dep habarlaıdy «Adyrna» tilshisi.
«Biz kepilge alynǵan adamdardy bosatyp, olardy Gazada qaldyrmaý úshin qolymyzdaǵy barlyq múmkin quraldy paıdalanamyz»,—dedi mınıstr.
Al Hamas ókilderi Izraıl bıliginiń bul sheshimin Gaza sektoryndaǵy atysty toqtatý kelisimin óreskel buzý dep atady.
«Izraıldiń sońǵy áreketteri barlyq qol qoıylǵan kelisim men halyqaralyq quqyqty óreskel buzýǵa jatady»,—dep pikir bildirdi Hamas saıası bıýrosynyń múshesi Izzat ar-Rıshk.
Eske salaıyq, 19 qańtarda Izraıl Gaza sektorynda atysty doǵarý rejımi engizilgenin jarııalaǵan edi.
