ۆەستمينستەر سارايىنداعى ەليزاۆەتا مۇناراسىنا شىققان پالەستينالىق بەلسەندى 16 ساعاتتان كەيىن ءتۇسىرىلدى، دەپ حابارلايدى "ادىرنا" ۇلتتىق پورتالى The Independent باسىلىمىنا سىلتەپ.
ەر ادام پالەستينا تۋىن جايىپ، لوندوننىڭ باستى كورنەكى ورىندارىنىڭ بىرىندە تۇرىپ، الەۋمەتتىك جەلىلەردە تىكەلەي ەفير جۇرگىزگەن.
جالاڭاياق بولعان ەر ادام قۇتقارۋشىلار مەن كەلىسسوز جۇرگىزۋشىلەردىڭ وعان جەرگە ءتۇسۋ تۋرالى وتىنىشتەرىن قابىلداماي، قاۋىپتى بيىكتىكتەن كەتۋدەن باس تارتقان.
وعان بىرنەشە رەت كوتەرگىش پلاتفورما جىبەرىلگەنىمەن، كەلىسسوزدەر ناتيجە بەرمەگەن. تەك ءۇشىنشى ارەكەتتەن كەيىن ونى مۇنارادان ءتۇسىرۋ مۇمكىن بولعان.
بەلسەندى جەرگىلىكتى ۋاقىت بويىنشا ءتۇن جارىمدا (استانا ۋاقىتىمەن 05:00) قاۋىپسىز تۇردە ءتۇسىرىلدى.
ۆەستمينستەر پوليتسياسىنىڭ مالىمەتىنشە، بەلسەندى جەرگە تۇسكەن ساتتە-اق قاماۋعا الىنعان.
