باياناۋىل باۋرايىنداعى جاسىباي كولىنىڭ جاعاسىندا مۋزىكالىق مەرەكە – «جۇلدىزدى جاسىباي» III رەترو فەستيۆالى ءوتتى. جىل سايىنعى اتالمىش مەرەكە ارتىستەر مەن تابىنۋشىلاردىڭ باس قوساتىن ورنىنا اينالدى. جاسىباي كولىنىڭ جاعالاۋىنا سۇيىكتى اندەرىن تىڭداۋ ءۇشىن مىڭداعان قازاقستاندىقتار وسىمەن ءۇشىنشى جىل قاتارىنان جينالۋدا. شاراعا ءوڭىر باسشىسى ەرلان ارىن قاتىستى.
بيىلعى رەترو-فەتيۆالدا پاۆلوداردىڭ ەرتىس-بايان ءوڭىرىنىڭ دارا تۇلعالارى، بەلگىلى اقىن-جازۋشىلارى، سازگەرلەرى مايرا، ەستاي، جاياۋ مۇسا، يسا بايزاقوۆ، سۇلتانماحمۇت تورايعىروۆ، سادىق كارىمباەۆ، مۇزافار الىمباەۆ، قابدىكارىم ىدىرىسوۆتاردىڭ ولەڭدەرى مەن مۋزىكاسىنا جازىلعان اندەر قازىرگى قازاقستان ەسترادا جۇلدىزدارىنىڭ ورىنداۋىندا شىرقالدى. پاۆلودار وبلىسىنىڭ شىعارماشىلىق ۇيىمدارى تۋعان جەر تۋرالى اندەر ورىندادى.
«جۇلدىزدى جاسىباي – 2013» فەستيۆالىنە تامارا اسار، مەرۋەرت تۇسىپباەۆا، رامازان ستامعازيەۆ، جانار ايجانوۆا، ايبەك، ۇلجان، ايناقۇلوۆا، جاننا ورىنباسروۆا، سەرىك يبراگيموۆ جانە «مۋزارت»، «جىگىتتەر»، «الاشۇلى»، «كZ» توپتارى، سونداي-اق «شاڭىراق سازى» سيمفونيالىق وركەستر جانە فولكلورلىق ءانسامبلى قاتىسىپ، ونەر كورسەتتى.
فەستيۆال باعدارلاماسىن جۇرگىزۋگە ازامات ساتىبالدى، ايگۇل يمانباەۆا، مايا ۆەرونسكايا جانە بەرىك كوشەربەك شاقىرىلدى.
«جۇلدىزدى جاسىباي» پاۆلوداردىڭ ەرتىس-بايان ءوڭىرىنىڭ مادەني ومىرىندەگى ەلەۋلى وقيعالار قاتارىندا.
«جۇلدىزدى جاسىباي»
28.09.2015
3091
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз