بيىل 42 098 ادام اسكەري بورىشىن وتەۋگە شاقىرىلادى. ۇكىمەت قاۋلىسىنا پرەمەر-مينيستر ولجاس بەكتەنوۆ قول قويدى، دەپ حابارلايدى «ادىرنا» ءتىلشىسى.
«اسكەرگە شاقىرۋ كوميسسيالارىنىڭ جۇمىسىن جانە اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق 18 جاستان 27 جاسقا دەيىنگى سانى 42 098 ەر ازاماتتى 2025 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا اسكەرگە شاقىرۋ جۇرگىزىلسىن»، – دەلىنگەن قاۋلىدا.
ايتا كەتەيىك، بىلتىر اسكەرگە 40 مىڭ ادام شاقىرىلسا، 2023 جىلى بۇل كورسەتكىش 37 مىڭ ادام بولعان ەدى.
