“اقشا جىمقىردى" دەگەن كۇدىككە ءىلىنىپ، قازىر قاماۋدا وتىرعان كاسىپكەر، بلوگەر، Biz Birgemiz Qazaqstan قايىرىمدىلىق قورىنىڭ جەتەكشىسى پەريزات قايراتقا قاتىستى جاڭا دەرەك جاريالاندى. بۇل تۋرالى قارجى مونيتوريڭ اگەنتتىگى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ول اقمولا وبلىسىندا وڭالتۋ ورتالىعىن سالۋ ءۇشىن قايىرىمدىلىق اۋكتسيونىن ۇيىمداستىرعان.
وسىلايشا، 2021 جىلى 48 ملن تەڭگە جيناعان. بىراق اۋكتسيوننان «22 ملن تەڭگە عانا ءتۇستى» دەپ كورسەتكەن.
ول قالعان اقشانى جەكە قاجەتىنە جاراتقان كورىنەدى. قازىر سوتقا دەيىنگى تەرگەۋ جالعاسىپ جاتىر.
ەڭ قىزىعى — ورتالىقتىڭ قۇرىلىسى باستالماعان. بىراق عيمارات قۇجاتتا «بەرىلدى» دەپ كورسەتىلگەن.
