رەسەي قاۋىپسىزدىك كەڭەسىنىڭ حاتشىسى سەرگەي شويگۋ استاناعا جۇمىس ساپارىمەن كەلدى، دەپ حابارلايدى "ادىرنا" ۇلتتىق پورتالى.
تاسس اگەنتتىگىنىڭ مالىمەتىنشە، ساپار بارىسىندا قازاقستان مەن رەسەي قاۋىپسىزدىك كەڭەستەرى اپپاراتتارىنىڭ ەكىجاقتى كونسۋلتاتسيالارى وتەدى. سونداي-اق، شويگۋ قازاقستان قاۋىپسىزدىك كەڭەسىنىڭ حاتشىسى عيزات نۇرداۋلەتوۆپەن كەزدەسىپ، حالىقارالىق جانە وڭىرلىك قاۋىپسىزدىك، ورتالىق ازياداعى احۋال، سيريا مەن اۋعانستانداعى جاعدايدى تالقىلايدى.
رەسەي قاۋىپسىزدىك كەڭەسىنىڭ حابارلاۋىنشا، شويگۋدى قازاقستان پرەزيدەنتى قاسىم-جومارت توقاەۆ قابىلدايدى دەپ كۇتىلۋدە.
ايتا كەتەيىك، بىلتىر گااگاداعى سوت رەسەيدىڭ بۇرىنعى قورعانىس ءمينيسترى سەرگەي شويگۋدى تۇتقىنداۋعا سانكتسيا بەرگەن بولاتىن.
