وتار ستانساسىندا جەكە جۇك ۆاگونى رەلستەن شىعىپ كەتتى. بۇل تۋرالى «قازاقستان تەمىر جولى» اق ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
وقىس وقيعا 3 اقپان كۇنى ساعات 12:20-دا بولعان.
«وتار ستانساسىندا 1988 جىلى شىعارىلعان جۇك ۆاگونى رەلستەن شىعىپ كەتتى. قۇربان بولعاندار مەن زارداپ شەككەندەر جوق. رەلستەن شىعىپ كەتۋ باسقا پويىزداردىڭ قوزعالىسىنا اسەر ەتكەن جوق»،—دەلىنگەن حابارلامادا.
ەسكە سالايىق، 1 اقپاندا قاراعاندى-سورتيروۆوچنايا ستانساسىندا جۇك پويىزىنىڭ ءبىر ۆاگونى رەلستەن شىعىپ كەتكەن ەدى.
