3 اقپانعا قاراعان ءتۇنى رەسەيدىڭ استراحان جانە ۆولگوگراد وبلىستارىنا درونمەن شابۋىل جاسالدى، دەپ حابارلايدى «ادىرنا» ءتىلشىسى Baza-عا سىلتەمە جاساپ.
دروندار وتىن-ەنەرگەتيكالىق كەشەندەرىنە سوققى بەرۋگە تىرىسقان.
«قازىرگى تاڭدا اۋە قورعانىسى كۇشتەرى شتاتتىق رەجيمدە جۇمىس ىستەپ جاتىر. ۇشقىشسىز ۇشۋ اپپاراتتارىنىڭ بىرەۋى قۇلاپ ءتۇسىپ، سالدارىنان ءورت شىقتى. دەسە دە، زارداپ شەككەندەر جوق»،— دەدى استراحان وبلىسىنىڭ گۋبەرناتورى يگور بابۋشكين.
ال ۆولگوگراد وبلىسىندا مۇناي وڭدەۋ زاۋىتىنا شابۋىل جاسالعان.
«لۋكويل» مۇناي كومپانياسىنىڭ اۋماعىندا ءورت بولدى، الايدا ول تەز ءسوندىرىلدى. ەشكىم زارداپ شەكپەدى. درونداردىڭ باسىم كوپشىلىگىن ۇستاي الدىق»،—دەپ ءتۇسىندىردى ءوڭىر گۋبەرناتورى اندرەي بوچاروۆ.
