3 aqpanǵa qaraǵan túni Reseıdiń Astrahan jáne Volgograd oblystaryna dronmen shabýyl jasaldy, dep habarlaıdy «Adyrna» tilshisi Baza-ǵa silteme jasap.
Drondar otyn-energetıkalyq keshenderine soqqy berýge tyrysqan.
«Qazirgi tańda áýe qorǵanysy kúshteri shtattyq rejımde jumys istep jatyr. Ushqyshsyz ushý apparattarynyń bireýi qulap túsip, saldarynan órt shyqty. Dese de, zardap shekkender joq»,— dedi Astrahan oblysynyń gýbernatory Igor Babýshkın.
Al Volgograd oblysynda munaı óńdeý zaýytyna shabýyl jasalǵan.
«Lýkoıl» munaı kompanııasynyń aýmaǵynda órt boldy, alaıda ol tez sóndirildi. Eshkim zardap shekpedi. Drondardyń basym kópshiligin ustaı aldyq»,—dep túsindirdi óńir gýbernatory Andreı Bocharov.
