«KOKSHE» اكك اقمولالىقتاردىڭ ازىق-تۇلىك ونىمدەرىنە قولجەتىمدىلىگىن قامتاماسىز ەتەدى

890
Adyrna.kz Telegram

اقمولا وبلىسىندا «KOKSHE» الەۋمەتتىك-كاسىپكەرلىك كورپوراتسياسى ايماقتىڭ الەۋمەتتىك-ەكونوميكالىق دامۋىن نىعايتۋعا باعىتتالعان بىرقاتار ماڭىزدى باعدارلامالاردى جۇزەگە اسىرىپ كەلەدى. اقمولا وبلىسىندا الەۋمەتتىك ماڭىزى بار ازىق-تۇلىك ونىمدەرىنىڭ باعاسىن تۇراقتاندىرۋ ءۇشىن ايماقتىق ستابيليزاتسيالىق قور قۇرىلعان.بۇل تۋرالى «Kokshe» الەۋمەتتىك كاسىپكەرلىك كورپوراتسياسى» اق باسقارما توراعاسىنىڭ ورىنباسارى ءالي اليەۆ بريفينگتە مالىمدەدى دەپ حابارلايدى وڭىرلىك كوممۋنيكاتسيالار قىزمەتىنەن.

كورپوراتسيا  وڭىردەگى الەۋمەتتىك-ەكونوميكالىق تۇراقتىلىقتى ساقتاپ قالۋ ءۇشىن بىرقاتار ماڭىزدى شارالاردى قابىلدادى.  وتكەن  جىلى وبلىستىق قورعا 2,5 ملرد تەڭگە قاراجات ءبولىنىپ، 2,4 مىڭ توننا الەۋمەتتىك ماڭىزى بار ونىمدەر ساتىپ الىندى. سپيكەردىڭ ايتۋىنشا بۇل قوردىڭ جۇمىسى حالىقتىڭ ازىق-تۇلىك ونىمدەرىنە قولجەتىمدىلىگىن قامتاماسىز ەتۋگە ىقپال ەتىپ كەلەدى. سونىمەن قاتار، ازىق-تۇلىك ونىمدەرىن تۇراقتى باعامەن ساتۋ ءۇشىن 42 دۇكەن جەلىسى جۇمىس ىستەيدى.

««اۋىل-اماناتى» باعدارلاماسى اۋىلدىق كاسىپكەرلىكتى دامىتۋعا ارنالعان ميكروكرەديتتەر ۇسىنادى. 2024 جىلدىڭ جەلتوقسانىندا وسى باعدارلاماعا 1,8 ملرد تەڭگە ءبولىنىپ، 308 جاڭا جۇمىس ورنى اشىلادى دەپ كۇتىلۋدە. «كەڭ دالا 2» باعدارلاماسى اگرارلىق سەكتوردى قولداۋعا باعىتتالعان، فەرمەرلەرگە 5%-تىك جەڭىلدەتىلگەن نەسيە بەرەدى. 2024 جىلى 35 ءوتىنىم ماقۇلدانىپ، جالپى كولەمى 11 ملرد تەڭگەنى قۇرايتىن قارجى ءبولىندى»، -دەپ تولىقتىردى سپيكەر.

بۇل باعدارلامالار اۋىل تۇرعىندارىنىڭ تابىسىن ارتتىرۋعا جانە اگروونەركاسىپ كەشەنىن دامىتۋعا باعىتتالعان ماڭىزدى قادامدار بولىپ تابىلادى. اگروونەركاسىپ كەشەنىن دامىتۋ ءۇشىن «KOKSHE» اكك 7 ءىرى ينۆەستيتسيالىق جوباعا قولداۋ ءبىلدىردى. بۇل جوبالار اياسىندا، ءسۇت تاۋارلى فەرمالار قۇرىلىپ، مال باسى كوبەيتىلدى. 2024 جىلى 15 ملرد تەڭگە قارجى ءبولىنىپ، 7 مىڭعا جۋىق  ءىرى قارا ساتىپ الىنعان. ال 2025 جىلى تاعى دا 20 ملرد تەڭگە كولەمىندە ينۆەستيتسيالار قاراستىرىلۋدا. بۇل شارالار اقمولا وبلىسىنىڭ ازىق-تۇلىك قاۋىپسىزدىگىن نىعايتۋعا ىقپال ەتۋدە.

«ءبىز سونداي-اق، كوكشەتاۋ قالاسىنداعى تۇرعىن ءۇي قورىنىڭ جاڭعىرتىلۋىنا دا ۇلكەن كوڭىل بولەمىز. قالادا رەنوۆاتسيا باعدارلاماسى اياسىندا ەسكى ۇيلەر ءسۇزىلىپ، جاڭا زاماناۋي تۇرعىن ءۇي كەشەندەرى سالىنادى. 2024 جىلى ءۋاليحانوۆ كوشەسىنىڭ ماڭىندا العاشقى ەكى جاڭا تۇرعىن ءۇي كەشەنىنىڭ ىرگەتاسى قالاندى. بۇل جوبا وڭىردەگى قۇرىلىس سەكتورىن دامىتۋعا جانە قالا تۇرعىندارىنىڭ ءومىر ءسۇرۋ ساپاسىن جاقسارتۋعا باعىتتالعان» دەدى ءالي اليەۆ.

«KOKSHE» اكك اقمولا وبلىسىنىڭ تۇراقتى دامۋى مەن ءال-اۋقاتى ءۇشىن جاڭا باستامالاردى جۇزەگە اسىرۋعا دايىن. بۇل جۇمىس مەملەكەت پەن بيزنەستىڭ ءوزارا ءتيىمدى سەرىكتەستىك پرينتسيپتەرىنە نەگىزدەلىپ جۇزەگە اسىرىلادى. ىنتىماقتاستىقتىڭ نىعايۋى اقمولا وبلىسىنا وتاندىق جانە شەتەلدىك ينۆەستورلاردى تارتۋعا، ينفراقۇرىلىمدىق جانە الەۋمەتتىك جوبالاردى دامىتۋعا ىقپال ەتەدى.

 

پىكىرلەر