8 جىلدا — ءبىر اەس. قازاقستان ۇكىمەتى قۇرىلىس قارقىنىن جەدەلدەتۋدى تالاپ ەتپەك

قازاقستان ۇكىمەتى اتوم ەلەكتر ستانتسياسىنىڭ (اەس) ءبىرىنشى بلوگىن سەگىز جىل ىشىندە ىسكە قوسۋ ماقساتىندا قۇرىلىسقا جاۋاپتى كومپانيالاردان قۇرىلىس مەرزىمىن جەدەلدەتۋدى تالاپ ەتپەك. بۇل تۋرالى ەنەرگەتيكا ءمينيسترى الماسادام ساتقاليەۆ مالىمدەدى، دەپ حابارلايدى "ادىرنا" ۇلتتىق پورتالى. «ەگەر ايتارلىقتاي قاۋىپ-قاتەرلەر بولماسا، اەس-ءتىڭ ءبىرىنشى بلوگىن سالۋعا شامامەن 10-12 جىل ۋاقىت كەتەدى»، - دەدى مينيستر. دەگەنمەن، ساتقاليەۆتىڭ ايتۋىنشا، تەحنولوگيالار دامىپ كەلەدى جانە ءتۇرلى يادرولىق تەحنولوگيالاردى قايتالاۋ تاجىريبەسى بار. «ءتىپتى حالىقارالىق ورتاشا مەرزىمدەرگە سۇيەنسەك، ءبىز رەسمي ۆەندورلارمەن ۋاقىتتى جەدەلدەتۋ مۇمكىندىگىن تالقىلايمىز. ياعني، ءبىز ءبىرىنشى بلوكتى سەگىز جىل ىشىندە، ءتىپتى ودان دا ەرتەرەك ىسكە قوسۋدى كوزدەپ وتىرمىز»، – دەدى مينيستر. ونىڭ ايتۋىنشا، حالىقارالىق تاجىريبەگە سايكەس، اەس سالۋعا ورتاشا ەسەپپەن 10-12 جىل كەتەدى. ال ونىڭ ىشىندە تەك جوبالاۋعا 2-3 جىل قاجەت.