دۇنيەجۇزىلىك ەكونوميكالىق فورۋم قارساڭىندا جۇرگىزىلگەن Global Risk Report زەرتتەۋى قازاقستاندى قارۋلى قاقتىعىس بولۋ قاۋپى جوعارى ەلدەر قاتارىنا قوستى, دەپ حابارلايدى «ادىرنا» ءتىلشىسى.
زەرتتەۋگە سۇيەنسەك، بۇگىندە گەوساياسي جاعىنان قاتەرلى ايماققا 12 ەل كىرىپ وتىر. ولاردىڭ اراسىندا ارمەنيا، كولۋمبيا، كوت-د-يۆۋار، يراك، يزرايل، لاتۆيا، رۋمىنيا جانە پولشا مەملەكەتتەرى دە بار.
ساۋالناماعا الەمنىڭ تۇكپىر-تۇكپىرىنەن 11 مىڭنان استام رەسپوندەنت قاتىسقان. ناتيجەسىندە ماماندار الەۋمەتتىك، تەحنولوگيالىق، گەوساياسي، ەكولوگيالىق جانە ەكونوميكالىق سالالاردا كەزدەسەتىن 34 ءتۇرلى قاتەردى انىقتاپ وتىر. ونىڭ ىشىندە قارۋلى قاقتىعىس قاۋپى ءبىرىنشى ورىنعا شىقتى.
«سوڭعى ونجىلدىقتا الەمدە قارۋلى قاقتىعىستار كوبەيىپ، ۇكىمەتتىڭ كۇن تارتىبىنەن ۇلتتىق قاۋىپسىزدىك ماسەلەسى تۇسپەيتىن بولادى»،—دەلىنگەن باياندامادا.
زەرتتەۋ بارىسىندا ەلىمىزدە بولۋى مۇمكىن قاۋىپتەر رەتىندە قارۋلاسقان قاقتىعىستار (مەملەكەتارالىق، ىشكى مەملەكەتتەر اراسىنداعى قاقتىعىستار، دەلدالدىق سوعىستار، توڭكەرىستەر جانە ت.ب.), ەكونوميكالىق قۇلدىراۋ، سۋ رەسۋرستارىنىڭ جەتىسپەۋشىلىگى، كەدەيلىك پەن تەڭسىزدىك، ينفلياتسيا ماسەلەلەرى كورسەتىلدى.
