Düniejüzılık ekonomikalyq forum qarsaŋynda jürgızılgen Global Risk Report zertteuı Qazaqstandy qaruly qaqtyǧys bolu qaupı joǧary elder qataryna qosty, dep habarlaidy «Adyrna» tılşısı.
Zertteuge süiensek, bügınde geosaiasi jaǧynan qaterlı aimaqqa 12 el kırıp otyr. Olardyŋ arasynda Armeniia, Kolumbiia, Kot-D-İvuar, İrak, İzrail, Latviia, Rumyniia jäne Polşa memleketterı de bar.
Saualnamaǧa älemnıŋ tükpır-tükpırınen 11 myŋnan astam respondent qatysqan. Nätijesınde mamandar äleumettık, tehnologiialyq, geosaiasi, ekologiialyq jäne ekonomikalyq salalarda kezdesetın 34 türlı qaterdı anyqtap otyr. Onyŋ ışınde qaruly qaqtyǧys qaupı bırınşı orynǧa şyqty.
«Soŋǧy onjyldyqta älemde qaruly qaqtyǧystar köbeiıp, ükımettıŋ kün tärtıbınen ūlttyq qauıpsızdık mäselesı tüspeitın bolady»,—delıngen baiandamada.
Zertteu barysynda elımızde boluy mümkın qauıpter retınde qarulasqan qaqtyǧystar (memleketaralyq, ışkı memleketter arasyndaǧy qaqtyǧystar, deldaldyq soǧystar, töŋkerıster jäne t.b.), ekonomikalyq qūldyrau, su resurstarynyŋ jetıspeuşılıgı, kedeilık pen teŋsızdık, infliasiia mäselelerı körsetıldı.
