ءماجىلىس دەپۋتاتى نارتاي ارالبايۇلى سپورتتاعى ءتيىمسىز شىعىنداردى سىنعا الدى

قازاقستان رەسپۋبليكاسى پارلامەنتى ءماجىلىسىنىڭ دەپۋتاتى نارتاي ارالبايۇلى ەلىمىزدەگى سپورت سالاسىنا بولىنەتىن قاراجاتتىڭ ءتيىمسىز جۇمسالۋىن سىنعا الدى. بۇل تۋرالى ءماجىلىس دەپۋتاتىنىڭ قر پرەمەر-ءمينيسترى ولجاس بەكتەنوۆكە جولداعان دەپۋتاتتىق ساۋالىندا ايتىلدى. سوڭعى التى جىلدا قازاقستان سپورت سالاسىن قارجىلاندىرۋعا شامامەن 1,4 تريلليون تەڭگە جۇمساعان. ال الداعى ەكى جىلدا تاعى 1,3 تريلليون تەڭگە ءبولۋ جوسپارلانىپ وتىر. الايدا بۇل قاراجاتتىڭ تيىمدىلىگى كۇمان تۋدىرادى: ەلىمىزدىڭ الەمدىك سپورت رەيتينگىندەگى ورنى 2014 جىلعى 25-ورىننان 2023 جىلى 42-ورىنعا تومەندەگەن. دەپۋتاتتىڭ مالىمەتىنشە، كاسىبي سپورتقا جۇمسالاتىن قاراجاتتىڭ 60%-ى وليمپيادالىق ەمەس سپورت تۇرلەرىنە باعىتتالىپ كەلەدى. ماجىلىستە قارالىپ جاتقان «سپورت تۋرالى» زاڭ جوباسىندا جوعارى جەتىستىكتەر سپورتىن وليمپيادا، پاراليمپيادا، سۋردليمپيادا، ازيا ويىندارى جانە ۇلتتىق سپورت تۇرلەرىمەن شەكتەۋ ۇسىنىلدى. بۇل وزگەرىس سپورت تۇرلەرىنىڭ سانىن ءۇش ەسە قىسقارتىپ، قارجىنى ءتيىمدى پايدالانۋعا مۇمكىندىك بەرەدى. "سوڭعى 6 جىلدا 49 ملرد تەڭگە  العان «بارىس» حوككەي كلۋبى، 50 ملرد تەڭگە العان «استانا» فۋتبول كلۋبى سىندى كوماندالاردىڭ ءار تيىن ءۇشىن ەسەپ بەرەتىن كۇنى تۋى ءتيىس. وسىنشا اقشا العانىنا قاراماستان اتالعان كوماندالاردىڭ ءوز ينفراقۇرىلىمدارى جوق، سالماعان. ءبىر عانا «استانا» فۋتبول كلۋبى التى جىل ىشىندە تەك فۋتبول الاڭدارى مەن عيماراتتاردى جالعا الۋعا 1,4 ملرد تەڭگە جۇمساعان" - دەدى ول. سپورت سالاسىنداعى لەگيونەرلەردى قارجىلاندىرۋماسەلەسا دە ايتىلدى. تاۋەلسىزدىك العاننان بەرى قازاقستان 126 شەتەلدىك سپورتشىعا ازاماتتىق بەرگەن، الايدا ولاردىڭ جارتىسىنان كوبى كەيىن ءوز ەلدەرىنە قايتىپ كەتكەن. جاڭا زاڭ جوباسىندا شەتەلدىك سپورتشىلاردى مەملەكەتتىك بيۋدجەت ەسەبىنەن قارجىلاندىرۋعا تىيىم سالۋ ۇسىنىلدى. جاڭا زاڭ جوباسىندا قاراجاتتى بۇقارالىق سپورتقا باعىتتاۋعا ەرەكشە ءمان بەرىلگەن. سوڭعى جىلدارى بۇقارالىق سپورتقا جۇمسالعان قارجى جوعارى جەتىستىكتەر سپورتىنا قاراعاندا 9 ەسە از بولعان. «سپورت تۋرالى» زاڭدى حالىقتىڭ مۇددەسى ءۇشىن قاراپ، تۇزەتىپ جاتقان ءماجىلىس پەن تۋريزم جانە سپورت مينيسترلىگىنە اقپاراتتىق شابۋىل جاساعاندار «بۇل زاڭ بۇقارالىق سپورت پەن بالالار سپورتىن قاراجاتسىز قالدىرادى» دەگەن اقپارات تاراتۋعا كوشىپتى. بۇل دا جالعان. قازاقستان جوعارى جەتىستىكتەر سپورتىنا 340 ملرد تەڭگە جۇمساسا، بۇقارالىق سپورتقا 35 ملرد تەڭگە عانا جۇمساعان، ياكي 9 ەسە از. سوندىقتان قازىر ماجىلىستەگى سپورت تۋرالى زاڭ جوباسىندا بيۋدجەت قاراجاتىنىڭ ناقتى قاي باعىتقا جۇمسالاتىنى جازىلعان، سول نورمادا بۇقارالىق سپورت ءبىرىنشى بوپ تۇر. بۇدان بولەك كەي فەدەراتسيالاردىڭ زاڭ جوباسى ەندى سپورت تۇرلەرىن شەكتەيدى دەگەنى دە شىندىققا جاناسپايدى. سەبەبى زاڭ جوباسىندا 1 فەدەراتسيادا 1 سپورت ءتۇرى عانا بولادى دەپ جازىلدى، بۇل ءبىر جۇيەنى قالىپتاستىرۋ ءۇشىن كەرەك. سەبەبى كەي فەدەراتسيالاردىڭ قۇرامىنا 5-10 سپورت ءتۇرى تىركەلىپ كەتكەن" - دەدى نارتاي ارالبايۇلى. دەپۋتاتتىق ساۋالعا زاڭنامادا كورسەتىلگەن مەرزىم ىشىندە جازباشا جاۋاپ كۇتەتىنىن دە اتاپ ءوتتى.