Mäjılıs deputaty Nartai Aralbaiūly sporttaǧy tiımsız şyǧyndardy synǧa aldy

Qazaqstan Respublikasy Parlamentı Mäjılısınıŋ deputaty Nartai Aralbaiūly elımızdegı sport salasyna bölınetın qarajattyŋ tiımsız jūmsaluyn synǧa aldy. Būl turaly Mäjılıs deputatynyŋ QR Premer-Ministrı Oljas Bektenovke joldaǧan deputattyq saualynda aityldy. Soŋǧy alty jylda Qazaqstan sport salasyn qarjylandyruǧa şamamen 1,4 trillion teŋge jūmsaǧan. Al aldaǧy ekı jylda taǧy 1,3 trillion teŋge bölu josparlanyp otyr. Alaida būl qarajattyŋ tiımdılıgı kümän tudyrady: elımızdıŋ älemdık sport reitingındegı orny 2014 jylǧy 25-orynnan 2023 jyly 42-orynǧa tömendegen. Deputattyŋ mälımetınşe, käsıbi sportqa jūmsalatyn qarajattyŋ 60%-y Olimpiadalyq emes sport türlerıne baǧyttalyp keledı. Mäjılıste qaralyp jatqan «Sport turaly» zaŋ jobasynda joǧary jetıstıkter sportyn Olimpiada, Paralimpiada, Surdlimpiada, Aziia oiyndary jäne ūlttyq sport türlerımen şekteu ūsynyldy. Būl özgerıs sport türlerınıŋ sanyn üş ese qysqartyp, qarjyny tiımdı paidalanuǧa mümkındık beredı. "Soŋǧy 6 jylda 49 mlrd teŋge  alǧan «Barys» hokkei kluby, 50 mlrd teŋge alǧan «Astana» futbol kluby syndy komandalardyŋ är tiyn üşın esep beretın künı tuuy tiıs. Osynşa aqşa alǧanyna qaramastan atalǧan komandalardyŋ öz infraqūrylymdary joq, salmaǧan. Bır ǧana «Astana» futbol kluby alty jyl ışınde tek futbol alaŋdary men ǧimarattardy jalǧa aluǧa 1,4 mlrd teŋge jūmsaǧan" - dedı ol. Sport salasyndaǧy legionerlerdı qarjylandyrumäselesä de aityldy. Täuelsızdık alǧannan berı Qazaqstan 126 şeteldık sportşyǧa azamattyq bergen, alaida olardyŋ jartysynan köbı keiın öz elderıne qaityp ketken. Jaŋa zaŋ jobasynda şeteldık sportşylardy memlekettık biudjet esebınen qarjylandyruǧa tyiym salu ūsynyldy. Jaŋa zaŋ jobasynda qarajatty būqaralyq sportqa baǧyttauǧa erekşe män berılgen. Soŋǧy jyldary būqaralyq sportqa jūmsalǧan qarjy joǧary jetıstıkter sportyna qaraǧanda 9 ese az bolǧan. «Sport turaly» zaŋdy halyqtyŋ müddesı üşın qarap, tüzetıp jatqan Mäjılıs pen Turizm jäne sport ministrlıgıne aqparattyq şabuyl jasaǧandar «būl zaŋ būqaralyq sport pen balalar sportyn qarajatsyz qaldyrady» degen aqparat taratuǧa köşıptı. Būl da jalǧan. Qazaqstan joǧary jetıstıkter sportyna 340 mlrd teŋge jūmsasa, būqaralyq sportqa 35 mlrd teŋge ǧana jūmsaǧan, iaki 9 ese az. Sondyqtan qazır Mäjılıstegı sport turaly zaŋ jobasynda biudjet qarajatynyŋ naqty qai baǧytqa jūmsalatyny jazylǧan, sol normada būqaralyq sport bırınşı bop tūr. Būdan bölek kei federasiialardyŋ zaŋ jobasy endı sport türlerın şekteidı degenı de şyndyqqa janaspaidy. Sebebı zaŋ jobasynda 1 federasiiada 1 sport türı ǧana bolady dep jazyldy, būl bır jüienı qalyptastyru üşın kerek. Sebebı kei federasiialardyŋ qūramyna 5-10 sport türı tırkelıp ketken" - dedı Nartai Aralbaiūly. Deputattyq saualǧa zaŋnamada körsetılgen merzım ışınde jazbaşa jauap kütetının de atap öttı.