قىتايمەن شەكاراداعى اۆتوموبيل وتكىزۋ پۋنكتتەرى 27 قاڭتاردان 1 اقپانعا دەيىن جۇمىس ىستەمەيدى. بۇل تۋرالى بۇگىن، 20 قاڭتاردا مەملەكەتتىك كىرىستەر كوميتەتى ايتتى، دەپ حابارلايدى «ادىرنا» ءتىلشىسى.
«قحر-دا كوكتەم مەرەكەسىنە بايلانىستى 27 قاڭتار كۇنى ساعات 20:00-دەن 1 اقپان كۇنى ساعات 08:00-گە دەيىن قازاقستان-قىتاي شەكاراسىنداعى اۆتوموبيل وتكىزۋ پۋنكتەرىندە تۇلعالاردىڭ، كولىك قۇرالدارى مەن جۇكتەردى وتكىزۋ جۇزەگە اسىرىلمايدى. ال تەمىرجول وتكىزۋ پۋنكتتەرى شتاتتىق رەجيمدە جۇمىسىن جالعاستىرادى»،—دەلىنگەن حابارلامادا.
مەملەكەتتىك كىرىستەر كوميتەتى تاسىمالداۋشىلاردان جانە بارلىق شەكارانى كەسىپ وتۋگە نيەت بىلدىرۋشىلەردى ەنگىزىلگەن شەكتەۋلەردى ەسكەرە وتىرىپ، ءوز باعىتتارىن الدىن الا جوسپارلاۋدى سۇرادى.
