5 ساۋىردەن باستاپ موپەدتەر رەسمي تۇردە مەحانيكالىق كولىكتەرگە تەڭەستىرىلەدى. بۇل تۋرالى بۇگىن، 20 قاڭتاردا ىشكى ىستەر مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
ولاردى پايدالانۋ ءۇشىن پوليتسيادا تىركەلۋ، ا1, ا نەمەسە ۆ ساناتىنداعى جۇرگىزۋشى كۋالىگى، تەحنيكالىق تەكسەرۋ، ازاماتتىق جاۋاپكەرشىلىكتى ساقتاندىرۋدان ءوتۋ قاجەت بولادى.
«تىركەلۋ ءۇشىن تۇرعىلىقتى جەرى بويىنشا ارنايى حقكو-عا جۇگىنۋ كەرەك. كەيىن ءوتىنىشتى تولتىرىپ، موپەدتى تەكسەرىستەن وتكىزىپ، قاجەت مەملەكەتتىك باجداردى تولەۋ مىندەتتى»،—دەلىنگەن حابارلامادا.
مينيسترلىك 5 ساۋىردەن باستاپ تىركەلمەگەن موپەدتەردى پايدالانۋعا، جۇرگىزۋشى كۋالىگىنسىز جۇرۋگە تىيىم سالىناتىنىن اتاپ ءوتتى.
