قوسشى قالاسىندا 100-گە تارتا وتباسى قونىس تويىن تويلادى

926
Adyrna.kz Telegram

ەلىمىزدىڭ ەڭ جاس قالالارىنىڭ ءبىرى قوسشىدا بۇگىن 93 وتباسى جاڭا باسپاناعا يە بولدى. كوپتەن كۇتكەن پاتەر كىلتتەرىن العانداردىڭ قاتارىندا كوپبالالى انالار، 1 جانە 2-توپتاعى مۇگەدەكتەر، جەتىم بالالار، بالالارىن تاربيەلەپ وتىرعان جالعىزباستى اتا-انالار مەن تولىق ەمەس وتباسىلار بار.

جاڭا پاتەرلەر مەملەكەت باسشىسىنىڭ باستاماسىمەن جۇزەگە اسىرىلىپ جاتقان 2023–2029 جىلدارعا ارنالعان تۇرعىن ءۇي-كوممۋنالدىق ينفراقۇرىلىمدى دامىتۋ تۇجىرىمداماسى اياسىندا ساتىپ الىندى. ۇيلەر قوسشى قالاسىنىڭ كەلەشەگى زور اۋداندارىندا ورنالاسقان جانە الەۋمەتتىك نىساندار مەن قاجەتتى ينفراقۇرىلىمعا جاقىن جەردە سالىنعان.

اقمولا وبلىسىنىڭ اكىمى مارات احمەتجانوۆ قونىس تويىن تويلاپ جاتقان تۇرعىنداردى قۇتتىقتاي وتىرىپ، تۇرعىن ۇيمەن قامتاماسىز ەتۋ ماسەلەسى مەملەكەتتىك ورگاندار قىزمەتىنىڭ ماڭىزدى باعىتتارىنىڭ ءبىرى ەكەنىن اتاپ ءوتتى.

«مەملەكەت باسشىسى قازاقستاندىقتاردىڭ ءال-اۋقاتىن ارتتىرۋ مەن ءومىر ءسۇرۋ ساپاسىن جاقسارتۋعا باعىتتالعان الەۋمەتتىك جوبالاردى ىسكە اسىرۋعا ەرەكشە نازار اۋدارادى. وبلىستا جاڭا تۇرعىن ۇيلەردىڭ قۇرىلىسى قارقىن الىپ كەلەدى. سوڭعى جىلدارى ءوڭىردىڭ تۇرعىن ءۇي قۇرىلىسىنا 200 ميلليارد تەڭگەدەن استام ينۆەستيتسيا تارتىلىپ، شامامەن 2 ميلليون شارشى مەتر تۇرعىن ءۇي پايدالانۋعا بەرىلدى. ناتيجەسىندە 12 مىڭعا جۋىق اقمولالىق وتباسىنىڭ تۇرعىن ءۇي ماسەلەسى شەشىلدى. بيىل ءبىز بارلىق ساناتتاعى ازاماتتارعا شامامەن 2 مىڭ پاتەردى تابىستاۋدى جوسپارلاپ وتىرمىز»، – دەپ اتاپ ءوتتى م. احمەتجانوۆ.

«بۇگىن ءبىز ءۇيىمىزدىڭ كىلتىن الدىق. وتباسىمىز بۇل مۇمكىندىك ءۇشىن ەل پرەزيدەنتىنە العىسىن بىلدىرەدى. ۇيىمىزدە جوندەۋ جۇمىستارى جاسالعانى قۋانتادى. پاتەرىمىز جارىق ءارى جايلى – كىر دە تۇرا بەر»، – دەدى بەس بالانىڭ اناسى كۇلشات توكپەتوۆا.

ايتا كەتەيىك، وتكەن جىلدان باستاپ تۇرعىن ءۇي ماسەلەسىن شەشۋدىڭ تاسىلدەرى وزگەرتىلىپ، ازاماتتاردى باسپانامەن قامتاماسىز ەتۋدىڭ قوسىمشا شارالارى ەنگىزىلدى. رەسپۋبليكالىق بيۋدجەتتەن الەۋمەتتىك وسال توپتاعى ازاماتتار ءۇشىن 850 پاتەر ساتىپ الۋعا قوسىمشا قاراجات ءبولىندى. اتاپ ايتقاندا، قوسشى قالاسىندا 180 جاڭا پاتەردىڭ كىلتتەرى تابىستالدى.

سونىڭ ناتيجەسىندە جىل ىشىندە مەملەكەتتىك تۇرعىن ءۇي قورىنان باسپانا الۋ كەزەگىندە تۇرعان 2,5 مىڭعا جۋىق وتباسىنىڭ تۇرعىن ءۇي جاعدايى جاقساردى. بۇل كورسەتكىشكە 1,5 مىڭ پاتەردىڭ قۇرىلىسى مەن وبلىستىڭ 10 وڭىرىندە 850 پاتەردى ساتىپ الۋ ارقىلى قول جەتكىزىلدى. جالپى، وبلىستا 661 مىڭ شارشى مەتر تۇرعىن ءۇي سالىندى. بۇل 6,3 مىڭ اقمولالىق جاڭا ءارى جايلى پاتەرلەرگە قونىستاندى دەگەن ءسوز.

 

Реклама
  • ИП Попов А.П.
  • ИНН: 602715631406
Пьяные что ли? Пугачева с мужем шокировали своим развратом
Реклама
  • ИП Попов А.П.
  • ИНН: 602715631406
Девушка из г Вашингтон опозорилась на всю Беларусь! Видео ошеломит
Реклама
  • ИП Попов А.П.
  • ИНН: 602715631406
Позвали Таню, и жены начали уводить мужей. Не стесняется стыдобы
پىكىرلەر