2024 جىلى بۇقار جىراۋ اۋدانىندا نەگىزگى كاپيتالعا 48 ملرد تەڭگە ينۆەستيتسيا سالىندى. ونىڭ 41 ملرد تەڭگەسى – جەكە ينۆەستيتسيالار. قارجى نەگىزىنەن كاسىپورىنداردى جاڭعىرتۋعا، قۇرىلىس پەن تەحنيكا ساتىپ الۋعا جۇمسالدى.
ءىرى جوبالار قاتارىندا:
«قاراعاندى Power Silicon» جشس – 12 ملرد تەڭگە;
«قازاقمىس كورپوراتسياسى» جشس – 18 ملرد تەڭگە;
«قازاقاۆتوجول» جشس – 2,9 ملرد تەڭگە;
«Power Blast» جشس – 900 ملن تەڭگە.
2025 جىلى «سارىارقا» ارنايى ەكونوميكالىق ايماعىندا 21,8 ملرد تەڭگەگە 4 جاڭا جوبا ىسكە قوسىلادى. ولار اليۋميني رادياتورلار، سەندۆيچ-پانەلدەر، سۋ ەسەپتەگىشتەر جانە تەمىرجول بولشەكتەرىن وندىرەتىن زاۋىتتار.
سونداي-اق، قۋاتتىلىعى 500 مۆت جەل ەلەكتر ستانتسياسى سالىنادى. جوبانىڭ قۇنى – 336 ملرد تەڭگە. قۇرىلىس بايمىرزا، تۇزدى اۋىلدارىندا جانە عابيدەن مۇستافين، اقتاۋ كەنتتەرىندە جۇرگىزىلەدى.
بۇل جوبالار بۇقار جىراۋ اۋدانىنىڭ ەكونوميكالىق الەۋەتىن ارتتىرىپ، جاڭا جۇمىس ورىندارىن اشۋعا مۇمكىندىك بەرەدى.
ۇقساس جاڭالىقتار
