«ابۋ ءدابيدىڭ ورنىقتى دامۋ اپتالىعى» حالىقارالىق ءسامميتى الاڭىندا قازاقستان پرەزيدەنتى قاسىم-جومارت توقاەۆ نيگەريا فەدەراتيۆتى رەسپۋبليكاسىنىڭ پرەزيدەنتى بولا احمەت تينۋبۋمەن كەزدەستى. بۇل تۋرالى اقوردا جازدى، دەپ حابارلايدى “ادىرنا” ۇلتتىق پورتالى.
مەملەكەت باسشىسى ەلىمىز افريكا قۇرلىعىنداعى حالىق تىعىز قونىستانعان جانە ءىرى ەكونوميكاسى بار نيگەريامەن سان قىرلى ىنتىماقتاستىقتى نىعايتۋعا باسا ءمان بەرەتىنىن جەتكىزدى.
ءوز كەزەگىندە بولا احمەت تينۋبۋ ەكىجاقتى قارىم-قاتىناستى جاڭا ءارى ساپالى دەڭگەيگە كوتەرۋ ءۇشىن بىرلەسە كۇش جۇمساۋعا دايىن ەكەنىن راستادى.
وسى رەتتە قاسىم-جومارت توقاەۆ نيگەريا پرەزيدەنتىن قازاقستانعا رەسمي ساپارمەن كەلۋگە شاقىردى.
تاراپتار ساۋدا-ەكونوميكا، كولىك-لوگيستيكا، ەنەرگەتيكا جانە اۋىل شارۋاشىلىعى سالالارىنداعى ىقپالداستىقتى دامىتۋ پەرسپەكتيۆاسىن تالقىلادى.
مەملەكەتتەر باسشىلارى حالىقارالىق كۇن تارتىبىندەگى وزەكتى ماسەلەلەر جونىندە پىكىر الماسىپ، كوپجاقتى قۇرىلىمدار اياسىنداعى بايلانىستى جانداندىرۋ ماڭىزدى ەكەنىن اتاپ ءوتتى.
