موڭعوليا استاناسى ۇلان-باتوردا 3 مىڭعا جۋىق ادام جينالىپ، نارازىلىق شەرۋىن وتكىزدى، دەپ حابارلايدى «ادىرنا» ءتىلشىسى.
شەرۋشىلەر ۇكىمەتتەن سىبايلاس جەمقورلىقپەن كۇرەس، جولداعى كەپتەلىستەردى ازايتۋ، سالىقتاردى تومەندەتۋ سىندى ماسەلەلەردى شەشۋدى تالاپ ەتىپ وتىر. ولار قازىرگى بيلىك وكىلدەرىمەن سىندارلى ديالوگ جۇرگىزۋدەن جانە قانداي دا ءبىر تۇسىنىكتەمەلەردى قابىلداۋدان باس تارتتى.
جەرگىلىكتى باق-تىڭ مالىمەتىنشە، نارازىلىق اكتسياسى 12 قاڭتار كۇنى جەرگىلىكتى ۋاقىت بويىنشا تاڭعى ساعات 11:00-دە باستالىپ، كەمىندە ون ساعاتقا سوزىلعان.
«مونگولسكي ۋزەل» Telegram-ارناسى ۇكىمەتتىڭ وتستاۆكاعا كەتۋىن تالاپ ەتكەن نارازىلىقتار كەم دەگەندە 22 قاڭتارعا دەيىن جالعاسۋى مۇمكىن ەكەنىن جازدى.
ەسكە سالا كەتەيىك، بۇل ەلدە 2022 جىلدىڭ جەلتوقسانىندا دا وسىنداي جاپپاي نارازىلىقتار وتكەن بولاتىن.
