حوككەيدەن قازاقستاننىڭ ەرلەر قۇراماسى XXXII قىسقى ۋنيۆەرسيادا ويىندارىن جەڭىسپەن باستادى، دەپ حابارلايدى «ادىرنا» ءتىلشىسى.
ماتچ باسىندا شۆەتسيا قۇراماسى 2 شايبا سالىپ، ەسەپ اشقان بولاتىن. وعان وتانداستارىمىز كەزەڭ اياقتالماي جاتىپ 2 گولمەن جاۋاپ قايتاردى. كەيىن جيىرما مينۋتتىق ەكى كەزەڭدە قازاقستان قۇراماسى جاۋاپسىز 7 گول سوقتى. وسىلايشا ويىن 9:2 ەسەبىمەن اياقتالدى.
ەندى ەرلەر قۇراماسى 14 قاڭتار كۇنى وڭتۇستىك كورەيا كومانداسىمەن كەزدەسەدى.
ايتا كەتەيىك، XXXII دۇنيەجۇزىلىك قىسقى ۋنيۆەرسيادا 13-23 قاڭتار ارالىعىندا يتاليانىڭ تۋرين قالاسىندا وتەدى. الەمنىڭ 57 ەلىنەن 2000-عا جۋىق سپورتشى قاتىساتىن بۇل ءىرى ستۋدەنتتىك جارىستا 11 سپورت ءتۇرى بويىنشا 96 مەدال جيىنتىعى ساراپقا سالىنادى.
