Хоккейден Қазақстанның ерлер құрамасы XXXII қысқы универсиада ойындарын жеңіспен бастады, деп хабарлайды «Адырна» тілшісі.
Матч басында Швеция құрамасы 2 шайба салып, есеп ашқан болатын. Оған отандастарымыз кезең аяқталмай жатып 2 голмен жауап қайтарды. Кейін жиырма минуттық екі кезеңде Қазақстан құрамасы жауапсыз 7 гол соқты. Осылайша ойын 9:2 есебімен аяқталды.
Енді ерлер құрамасы 14 қаңтар күні Оңтүстік Корея командасымен кездеседі.
Айта кетейік, XXXII Дүниежүзілік қысқы Универсиада 13-23 қаңтар аралығында Италияның Турин қаласында өтеді. Әлемнің 57 елінен 2000-ға жуық спортшы қатысатын бұл ірі студенттік жарыста 11 спорт түрі бойынша 96 медаль жиынтығы сарапқа салынады.
