اباي وبلىسىندا جارىس كەزىندە ەرتىس وزەنىنە قۇلاپ كەتكەن اۆتوكولىكتە بولعان ادامنىڭ دەنەسىن بالىقشىلار تاپتى، دەپ حابارلايدى "ادىرنا" ۇلتتىق پورتالى Abai News-كە سىلتەمە جاساپ.
10 قاڭتاردا تۇنگى ۋاقىتتا تجد كەزەكشى پۋلتىنە جەرگىلىكتى بالىقشىلاردىڭ سۋ استىنان جوعالعان جولاۋشىلاردىڭ ءبىرىنىڭ دەنەسىن تاپقانى تۋرالى اقپارات تۇسكەن. حابار تۇسكەننەن كەيىن تجد قىزمەتكەرلەرى دەرەۋ وقيعا ورنىنا بارىپ، كەيىن دەنە تۋىستارى ارقىلى انىقتالدى.
قازىرگى ۋاقىتتا ەكىنشى جوعالعان ادامدى ىزدەۋ جۇمىستارى كۇندىزگى ۋاقىتتا كۇن سايىن جالعاسۋدا.
ىزدەۋ شارالارىنا 100-دەن استام ادام، موتورلى 13 قايىق، 2 پيلوتسىز ۇشۋ اپپاراتى، 3 ەحولوت جانە 1 سۋاستى درونى تارتىلعان.
ەسكە سالا كەتەيىك، 5 قاڭتار كۇنى اباي وبلىسىندا جارىس كەزىندە اۆتوكولىكتىڭ ەرتىس وزەنىنە قۇلاپ كەتكەنى تۋرالى جازعان ەدىك.
ۇقساس جاڭالىقتار
