"قازگيدرومەت" رەسپۋبليكالىق مەتەورولوگيالىق قىزمەتى الماتى، شىمكەنت، اقتوبە جانە استانا قالالارىنىڭ تۇرعىندارىنا اۋانىڭ لاستانۋىنىڭ قولايسىز مەتەورولوگيالىق جاعدايلارى تۋرالى ەسكەرتۋ جاسادى، دەپ حابارلايدى "ادىرنا" ۇلتتىق پورتالى.
"2025 جىلعى 11 قاڭتاردا الماتى، شىمكەنت، اقتوبە جانە استانا قالالارىندا اۋانىڭ لاستانۋىنىڭ قولايسىز مەتەورولوگيالىق جاعدايلارى كۇتىلۋدە", - دەلىنگەن حابارلامادا.
مامانداردىڭ مالىمەتىنشە، اتالعان قالالاردا زياندى زاتتاردىڭ اتموسفەرادا جينالۋىنا اكەلەتىن تابيعي قۇبىلىستار كۇتىلەدى. بۇل جاعدايلار، اسىرەسە، ءالسىز جەل، تۇمان جانە ينۆەرسيا اسەرىنەن ورىن الادى.
قولايسىز اۋا رايى تۇرعىنداردىڭ دەنساۋلىعىنا كەرى اسەر ەتەدى. سوندىقتان شەتەلدىك عالىمدار مۇنداي جاعدايدا حالىققا دەنساۋلىقتارىنا مۇقيات بولۋدى، مۇمكىندىگىنشە دالادا ۇزاق ۋاقىت جۇرمەۋدى، اۋانى تازارتاتىن قۇرىلعىلاردى پايدالانۋدى جانە ماسكا تاعۋدى ۇسىنادى.
