استانادا كەلۋشىگە قازاق تىلىندە ءمازىر بەرمەگەن ءدامحانا جابىلعان. بۇگىندە ونىڭ كەڭسەسى بوس تۇر، دەپ حابارلايدى "ادىرنا" ۇلتتىق پورتالى.
تيكتوك جەلىسىندە كوفەحانا ورنالاسقان عيماراتتى جالعا بەرگەن كاسىپكەر كاسىبىنىڭ توقتاپ قالعانىن ايتقان.
بيزنەس جابىلدى، كەڭسە بوس، مەن جالعا الۋشىسىز قالدىم. مەن Qazaq Coffee يەسى ەمەسپىن، مەن تەك كەڭسەنىڭ يەسىمىن. كەشەدەن بەرى عيماراتتى قايتادان وزىمە الدىم، سوندىقتان ەندى ول جالعا بەرىلەدى. بۇل جەردىڭ اۋدانى – 47-48 شارشى مەتر. ەگەر قىزىقتىرسا، مەنىڭ جەكەمە شىعىڭىزدار، - دەيدى جالعا بەرۋشى.
بىرنەشە اي بۇرىن استاناداعى Qazaq coffee مەيرامحاناسىنىڭ باسى داۋعا قالعان بولاتىن. كوفەحانا قىزمەتكەرى قازاق تىلىندە اس ءمازىرىن ءمازىرىن سۇراعان كەلۋشىنىڭ ءوتىنىشىن ورىنداماي قويعان.اشىنعان حالىق 2GIS قوسىمشاسىندا عيماراتقا جاعىمسىز پىكىر قالدىرعان. ارتىشا كوفەحانا جابىلدى.
