مەملەكەت باسشىسى قاسىم-جومارت توقاەۆ قىتايدا تارالىپ جاتقان مەتاپنەۆموۆيرۋسقا قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
«قازىر ءبارى جاڭا ينفەكتسيا تۋرالى ايتىپ جاتىر. مەنىڭشە، ودان داڭعازا جاساۋدىڭ قاجەتى جوق. سوندىقتان قىتايمەن ىنتىماقتاستىقتى ودان ءارى دامىتۋىمىز كەرەك»،—دەدى ول بۇگىن ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەر ۇيىنە بارعان كەزدە.
ايتا كەتەيىك، ءجىتى رەسپيراتورلىق ۆيرۋستىق ينفەكتسيالارعا جاتاتىن مەتاپنەۆموۆيرۋس قازاقستاندا دا تىركەلگەن بولاتىن. دەنساۋلىق ساقتاۋ مينيسترلىگىنىڭ 5 قاڭتارداعى مالىمەتتەرىنە سايكەس 1866 ادامنان وڭ سىناما الىنعان.
مەتاپنەۆموۆيرۋس نەگىزىنەن اۋا تامشىلارى ارقىلى جانە از جاعدايدا تۇرمىستىق بايلانىس ارقىلى بەرىلەدى. ينفەكتسيانىڭ نەگىزگى بەلگىلەرى - جوتەل، مۇرىننان سۋ اعۋ، ەنتىگۋ، تىرىسۋ، باس اۋرۋى. ناقتى ەمدەۋ جوق، سيمپتوماتيكالىق ەمدەۋ قولدانىلادى.
