الماتىدا “موسكۆا” ساۋدا ويىن-ساۋىق ورتالىعى ورتەنىپ جاتىر، دەپ حابارلايدى “ادىرنا” ۇلتتىق پورتالى Tengrinews.kz-كە سىلتەپ.
ءورت دابىلى جاريالانعان سوڭ ساۋدا ورتالىعى عيماراتىنان بارلىق ادامدار ەۆاكۋاتسيالانعان. جەلىدەگى اقپاراتقا سايكەس، ەۆاكۋاتسيا ءبىر عانا وتكەل ارقىلى جۇزەگە اسىرىلعان.
وقيعا ورنىنان كەلگەن كۋاگەرلەردىڭ ايتۋىنشا، دابىل قاعىلعان سوڭ عانا كەلۋشىلەردىڭ بارلىعى عيماراتتان شىعاتىن جەرگە قاراي جۇگىرگەن. قازىر ءورتتى ءسوندىرۋ جۇمىستارى ءجۇرىپ جاتىر.
