بۇگىن قازاقستاننىڭ بارلىق وڭىرلەرىندە قازاقستان رەسپۋبليكاسى پرەزيدەنتىنىڭ اتىنان ۇيىمداستىرىلعان جاڭا جىلدىق ءىس-شارالار ءوتتى.
كوكشەتاۋدا وبلىستىڭ باستى شىرشاسى «Bolashaq sarayi» بالالار مەن جاسوسپىرىمدەر سارايىندا جاعىلدى. مەرەكەگە وبلىستىڭ قالالارى مەن اۋداندارىنان 200-گە جۋىق بالا شاقىرىلدى.
الداعى جاڭا جىلمەن بالالاردى وبلىس اكىمىنىڭ م.ا. ەلدوس رامازانوۆ قۇتتىقتادى، ول جاس ۇرپاقتى قولداۋدىڭ ماڭىزدىلىعىن اتاپ ءوتىپ، بالالاردىڭ ارقايسىسىنىڭ تابىستى دامۋىنا ءۇمىت ءبىلدىردى.
«مەملەكەت باسشىسى قاسىم-جومارت توقاەۆ اتاپ وتكەندەي، جاس ۇرپاق قازاقستاننىڭ دامۋىندا شەشۋشى ءرول اتقارادى جانە پروگرەستىڭ قوزعاۋشى كۇشىنە اينالادى. ءبىز ەرەسەكتەر ءسىزدىڭ ماقساتتارىڭىزعا جەتۋ ءۇشىن بارلىق جاعداي جاسايمىز»، - دەدى ەلدوس رامازانوۆ.
جاقسى اۋدانى جاڭا قيما اۋىلىنان كەلگەن 12 جاسار ارقات شاراپوۆ وقۋ ۇزدىگى، كوپتەگەن وليمپيادالار مەن بايقاۋلاردىڭ جەڭىمپازى بولىپ تابىلادى. ول وسى دەڭگەيدەگى جاڭا جىلدىق ءىس-شاراعا العاش رەت قاتىستى.
«ءبىز ۋاقىتتى وتە قىزىقتى وتكىزەمىز. وبلىسىمىزدىڭ تۇكپىر-تۇكپىرىنەن كەلگەن بالالارمەن دوستاسىپ ۇلگەردىم. باتىردىڭ كوستيۋمىن انام دايىندادى. ماعان وتە ۇنايدى. مەن ءۇشىن شىرشا وتە ماڭىزدى، مەنىڭ جادىمدا ماڭگى قالادى. بىزگە وسىنداي قۋانىش سىيلاعانىڭىز ءۇشىن كوپ راحمەت»، - دەدى جاس قاتىسۋشى.
باعدارلاما اياسىندا شىرشانى جاعۋ ءراسىمى، شىرشانى اينالىپ بيلەۋ جانە توستىك، كوك ءبورى سياقتى ەرتەگى كەيىپكەرلەرىنىڭ قويىلىمدارى ءوتتى. بالالار كوستيۋمدەر بايقاۋىنا قاتىسىپ، ولەڭ ايتتى.
مەرەكە سوڭىندا بارلىق قاتىسۋشىلار قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ اتىنان جاڭا جىلدىق سىيلىقتار، 120 مىڭ تەڭگە سوماسىنا اقشالاي سەرتيفيكاتتار جانە ءتاتتى جيىنتىقتار الدى.
