سەمەي قالاسىندا مۇعالىم مەكتەپتە جاڭا جىلدىق شىرشانى بەزەندىرۋ كەزىندە بيىكتىكتەن قۇلاپ، جاراقات الدى، دەپ حابارلايدى "ادىرنا" ۇلتتىق پورتالى.
بۇل وقيعا تۋرالى وقۋ-اعارتۋ ءمينيسترى عاني بەيسەمباەۆ مالىمدەدى.
ءمينيستردىڭ ايتۋىنشا، مۇنداي ءىس-شارالار قازاقستان رەسپۋبليكاسىنىڭ "پەداگوگ مارتەبەسى تۋرالى" زاڭىنا قاتاڭ تۇردە قايشى كەلەدى. اتالعان زاڭ مۇعالىمدەردى ءوز كاسىبي قىزمەتىنە جاتپايتىن جۇمىستارعا تارتۋعا تىيىم سالادى.
ء"بىز وبلىس باسشىلىعىنىڭ وبەكتيۆتى تەرگەۋ جۇرگىزىپ، بولاشاقتا وسىنداي جاعدايلاردىڭ الدىن الۋ ءۇشىن ءتيىستى شارالار قابىلدايتىنىنا ۇمىتتەنەمىز،" – دەپ جازدى عاني بەيسەمباەۆ ءوزىنىڭ Facebook پاراقشاسىندا.
وقۋ-اعارتۋ ءمينيسترى جاراقات العان مۇعالىم قۋات ايتقاليەۆتىڭ وتباسىنا شىن جۇرەكتەن قولداۋ ءبىلدىرىپ، وعان تەز ساۋىعىپ كەتۋىن تىلەدى. سونداي-اق مينيستر مۇعالىمگە قاجەتتى مەديتسينالىق كومەك كورسەتىلىپ جاتقانىن جانە بۇل وقيعانىڭ ەرەكشە باقىلاۋدا ەكەنىن اتاپ ءوتتى.
مينيستر مەملەكەت باسشىسى قاسىم-جومارت توقاەۆتىڭ قوعامداعى مۇعالىمدەردىڭ ءرولى مەن ولاردىڭ قۇقىقتارىن ساقتاۋ ماسەلەسىنىڭ ماڭىزدىلىعىن بىرنەشە رەت اتاپ وتكەنىن ەسكە سالىپ، ءبىلىم بەرۋ بولىمدەرى مەن باسقارمالارىنىڭ باسشىلارىن زاڭداردى قاتاڭ ساقتاۋعا شاقىردى.
