Semeı qalasynda muǵalim mektepte jańa jyldyq shyrshany bezendirý kezinde bıiktikten qulap, jaraqat aldy, dep habarlaıdy "Adyrna" ulttyq portaly.
Bul oqıǵa týraly Oqý-aǵartý mınıstri Ǵanı Beısembaev málimdedi.
Mınıstrdiń aıtýynsha, mundaı is-sharalar Qazaqstan Respýblıkasynyń "Pedagog mártebesi týraly" Zańyna qatań túrde qaıshy keledi. Atalǵan zań muǵalimderdi óz kásibı qyzmetine jatpaıtyn jumystarǵa tartýǵa tyıym salady.
"Biz oblys basshylyǵynyń obektıvti tergeý júrgizip, bolashaqta osyndaı jaǵdaılardyń aldyn alý úshin tıisti sharalar qabyldaıtynyna úmittenemiz," – dep jazdy Ǵanı Beısembaev óziniń Facebook paraqshasynda.
Oqý-aǵartý mınıstri jaraqat alǵan muǵalim Qýat Aıtqalıevtyń otbasyna shyn júrekten qoldaý bildirip, oǵan tez saýyǵyp ketýin tiledi. Sondaı-aq mınıstr muǵalimge qajetti medıınalyq kómek kórsetilip jatqanyn jáne bul oqıǵanyń erekshe baqylaýda ekenin atap ótti.
Mınıstr Memleket basshysy Qasym-Jomart Toqaevtyń qoǵamdaǵy muǵalimderdiń róli men olardyń quqyqtaryn saqtaý máselesiniń mańyzdylyǵyn birneshe ret atap ótkenin eske salyp, bilim berý bólimderi men basqarmalarynyń basshylaryn zańdardy qatań saqtaýǵa shaqyrdy.
