مەملەكەتتىك قىزمەت ىستەرى اگەنتتىگىنىڭ ادەپ جونىندەگى كوميسسياسى قاراعاندى قالاسىنىڭ اكىمىنىڭ ايتقان سوزىنە قاتىستى تارتىپتىك ءىستى قارادى، دەپ حابارلايدى "ادىرنا" ۇلتتىق پورتالى.
مەيرام قوجىقوۆ الەۋمەتتىك جەلىدەگى وقىرمانىنا جاۋاپ بەرگەن. ونىڭ جازعان پىكىرىنە قاتىستى ءىس ماتەريالدارى قارالدى. بۇعان دەيىن مەيرام قوجىقوۆ جەلىدەگى وقىرمانىنا "اقىلدى بولما" دەگەن پىكىر قالدىرىپ، سىنعا قالعان ەدى.
"تەكسەرۋ بارىسىندا قاراعاندى قالاسى اكىمىنىڭ ارەكەتى الەۋمەتتىك جەلىلەردە ازاماتتاردىڭ سىنىنا سەبەپ بولعانى انىقتالدى. انىقتالعان فاكتىلەر بويىنشا كوميسسيا اكىمگە سوگىس تۇرىندەگى تارتىپتىك جازا قولدانۋدى ۇسىندى", – دەلىنگەن حابارلامادا.
