اقش-تىڭ قازىرگى پرەزيدەنتى رەسەي، قىتاي، يران جانە سولتۇستىك كورەيا اراسىنداعى ىنتىماقتاستىققا قارسى ارەكەت ەتۋ ماسەلەلەرىندە دونالد ترامپ اكىمشىلىگى ءۇشىن «جول كارتاسىنا» اينالۋعا ءتيىستى ۇلتتىق قاۋىپسىزدىك جونىندەگى جاڭا مەموراندۋمدى بەكىتتى، دەپ حابارلايدى "ادىرنا" ۇلتتىق پورتالى Associated Press اگەنتتىگىنە سىلتەمە جاساپ.
باسىلىمنىڭ مالىمەتىنشە، بۇل قۇجاتتى ازىرلەۋ جازدا باستالعان. بىراق ونىڭ كەيبىر قورىتىندىلارىنىڭ قۇپيالىعىنا بايلانىستى جاريالانبايدى.
مەموراندۋم ءتورت نەگىزگى ۇسىنىستى قامتيدى:
اقش ۇكىمەتىندەگى ۆەدومستۆوارالىق ىنتىماقتاستىقتى جاقسارتۋ;
رەسەي، قىتاي، يران جانە سولتۇستىك كورەيا تۋرالى اقپاراتپەن وداقتاستار اراسىندا الماسۋدى جەدەلدەتۋ;
سانكتسيالار مەن باسقا دا ەكونوميكالىق شارالاردى ماكسيمالدى تيىمدىلىككە جەتۋ ءۇشىن تۇزەتۋ;
قارسىلاستاردىڭ قاتىسۋىمەن ءبىر مەزگىلدە بىرنەشە داعدارىستى باسقارۋ مۇمكىندىكتەرىن نىعايتۋ.
اقش-تىڭ جاڭا پرەزيدەنتىنىڭ يناۋگۋراتسياسى 20 قاڭتارعا جوسپارلانعان.
