الەۋمەتتىك جەلىلەردە الماتى-بىشكەك باعىتىنداعى جولدا پىشاقپەن جۇك كولىگىنە زاقىم كەلتىرگەن ازاماتتىڭ ۆيدەوسى تارادى، دەپ حابارلايدى "ادىرنا" ۇلتتىق پورتالى.
بەينەجازبادان كولىك جۇرگىزۋشىلەرىنىڭ اراسىندا كەلىسپەۋشىلىك بولعانىن بايقاۋعا بولادى. اشۋلانعان جەڭىل كولىكتىڭ يەسى پىشاقپەن جۇك كولىگىنىڭ دوڭعالاعىن زاقىمداۋعا ارەكەتتەنەدى.
وسى وقيعاعا قاتىستى پوليتسيا قىزمەتكەرلەرى پىكىر ءبىلدىردى.
ولاردىڭ ايتۋىنشا، 38 جاستاعى ەر ادامنىڭ كىم ەكەنى انىقتالىپ، بولىمشەگە جەتكىزىلگەن.
"قازىرگى ۋاقىتتا قۇقىق بۇزۋشى قولدانىستاعى زاڭناماعا سايكەس اكىمشىلىك جاۋاپكەرشىلىككە تارتىلدى"- دەپ جازدى الماتى وبلىسىنىڭ پوليتسياسى.
