جوعارى اۋديتورلىق پالاتا باسشىسى ءاليحان سمايىلوۆ نازارباەۆ ۋنيۆەرسيتەتىن تەكسەرۋ بارىسىندا انىقتالعان زاڭ بۇزۋشىلىقتار تۋرالى ايتتى، دەپ حابارلايدى "ادىرنا" ۇلتتىق پورتالى.
ءاليحان سمايىلوۆتىڭ ايتۋىنشا، نازارباەۆ ۋنيۆەرسيتەتىن ءالى دە بيۋدجەتتەن قارجىلاندىرۋعا تاۋەلدى بولىپ وتىر. ال ۋنيۆەرسيتەتتى دامىتۋ جونىندەگى ستراتەگيالىق قۇجاتتا باسقا قارجى كوزدەرىنە كوشۋ قاجەتتىگى كورسەتىلگەن.
"تاعى ءبىر كەمشىلىك – قولدانىستاعى زاڭنامادا NU-ءدىڭ قارجىلىق ەسەپتىلىگىن ۇسىنۋ قاراستىرىلماعان. بۇل قىزمەتتىڭ اشىق ەمەستىگىنىڭ فاكتورى. كەيبىر قاراجات ءتيىمسىز پايدالانىلادى نەمەسە قارجىلىق زاڭ بۇزۋشىلىقتار بار. اۋديت ناتيجەسىندە ءتيىمسىز جوسپارلاۋعا 73 ملرد تەڭگە، ال جارتى ميلليارد تەڭگەگە قاتىستى قارجىلىق زاڭسىزدىقتار انىقتالدى", – دەدى جوعارى اۋديتورلىق پالاتاسىنىڭ باسشىسى.
سونىمەن قاتار، سمايىلوۆتىڭ ايتۋىنشا، ۋنيۆەرسيتەت كوپتەگەن سەرىكتەستەرمەن تاۋارلار مەن قىزمەتتەردى ۇسىنۋ بويىنشا كونكۋرسسىز جانە ءبىر عانا دەرەككوز ارقىلى جۇمىس ىستەيدى. تاعى ءبىر كەمشىلىك – عىلىمي زەرتتەۋلەردىڭ كوممەرتسيالاندىرىلماۋى.
"وسى بارلىق ماسەلەلەر بويىنشا ءبىز قورىتىندى جاسادىق، مەن ۋنيۆەرسيتەتتىڭ جاڭا پرەزيدەنتىمەن سويلەستىم، بۇل فاكتىلەردى جەتكىزدىك. سونىمەن قاتار، ۋنيۆەرسيتەتكە جانە ۇكىمەتكە ءبىزدىڭ قورىتىندى جولداندى. تەكسەرۋ جىلدىڭ ءتورتىنشى توقسانىندا، ياعني جاقىندا اياقتالدى. ءبىزدىڭ قورىتىندىدا ءتيىستى ۇسىنىستار بار، ۇكىمەت NU-گە قاتىستى زاڭناماعا قانداي وزگەرىستەر ەنگىزۋ كەرەكتىگىن شەشۋى ءتيىس", – دەپ تولىقتىردى جوعارى اۋديتورلىق پالاتا باسشىسى.
