Smaiylov Nazarbaev universitetındegı qarjylyq bylyq turaly aitty

Joǧary auditorlyq palata basşysy Älihan Smaiylov Nazarbaev universitetın tekseru barysynda anyqtalǧan zaŋ būzuşylyqtar turaly aitty, dep habarlaidy "Adyrna" ūlttyq portaly.  Älihan Smaiylovtyŋ aituynşa, Nazarbaev universitetın älı de biudjetten qarjylandyruǧa täueldı bolyp otyr. Al universitettı damytu jönındegı strategiialyq qūjatta basqa qarjy közderıne köşu qajettıgı körsetılgen. "Taǧy bır kemşılık – qoldanystaǧy zaŋnamada NU-dıŋ qarjylyq eseptılıgın ūsynu qarastyrylmaǧan. Būl qyzmettıŋ aşyq emestıgınıŋ faktory. Keibır qarajat tiımsız paidalanylady nemese qarjylyq zaŋ būzuşylyqtar bar. Audit nätijesınde tiımsız josparlauǧa 73 mlrd teŋge, al jarty milliard teŋgege qatysty qarjylyq zaŋsyzdyqtar anyqtaldy", – dedı Joǧary auditorlyq palatasynyŋ basşysy. Sonymen qatar, Smaiylovtyŋ aituynşa, universitet köptegen serıktestermen tauarlar men qyzmetterdı ūsynu boiynşa konkurssyz jäne bır ǧana derekköz arqyly jūmys ısteidı. Taǧy bır kemşılık – ǧylymi zertteulerdıŋ kommersiialandyrylmauy. "Osy barlyq mäseleler boiynşa bız qorytyndy jasadyq, men universitettıŋ jaŋa prezidentımen söilestım, būl faktılerdı jetkızdık. Sonymen qatar, universitetke jäne ükımetke bızdıŋ qorytyndy joldandy. Tekseru jyldyŋ törtınşı toqsanynda, iaǧni jaqynda aiaqtaldy. Bızdıŋ qorytyndyda tiıstı ūsynystar bar, ükımet NU-ge qatysty zaŋnamaǧa qandai özgerıster engızu kerektıgın şeşuı tiıs", – dep tolyqtyrdy Joǧary auditorlyq palata basşysy.