Joǵary aýdıtorlyq palata basshysy Álıhan Smaıylov Nazarbaev ýnıversıtetin tekserý barysynda anyqtalǵan zań buzýshylyqtar týraly aıtty, dep habarlaıdy "Adyrna" ulttyq portaly.
Álıhan Smaıylovtyń aıtýynsha, Nazarbaev ýnıversıtetin áli de bıýdjetten qarjylandyrýǵa táýeldi bolyp otyr. Al ýnıversıtetti damytý jónindegi strategııalyq qujatta basqa qarjy kózderine kóshý qajettigi kórsetilgen.
"Taǵy bir kemshilik – qoldanystaǵy zańnamada NU-diń qarjylyq eseptiligin usyný qarastyrylmaǵan. Bul qyzmettiń ashyq emestiginiń faktory. Keıbir qarajat tıimsiz paıdalanylady nemese qarjylyq zań buzýshylyqtar bar. Aýdıt nátıjesinde tıimsiz josparlaýǵa 73 mlrd teńge, al jarty mıllıard teńgege qatysty qarjylyq zańsyzdyqtar anyqtaldy", – dedi Joǵary aýdıtorlyq palatasynyń basshysy.
Sonymen qatar, Smaıylovtyń aıtýynsha, ýnıversıtet kóptegen seriktestermen taýarlar men qyzmetterdi usyný boıynsha konkýrssyz jáne bir ǵana derekkóz arqyly jumys isteıdi. Taǵy bir kemshilik – ǵylymı zertteýlerdiń kommerııalandyrylmaýy.
"Osy barlyq máseleler boıynsha biz qorytyndy jasadyq, men ýnıversıtettiń jańa prezıdentimen sóılestim, bul faktilerdi jetkizdik. Sonymen qatar, ýnıversıtetke jáne úkimetke bizdiń qorytyndy joldandy. Tekserý jyldyń tórtinshi toqsanynda, ıaǵnı jaqynda aıaqtaldy. Bizdiń qorytyndyda tıisti usynystar bar, úkimet NU-ge qatysty zańnamaǵa qandaı ózgerister engizý kerektigin sheshýi tıis", – dep tolyqtyrdy Joǵary aýdıtorlyq palata basshysy.
