شىعىس قازاقستان وبلىسىنىڭ بۇرىنعى اكىمى دانيال احمەتوۆ قازاقستاننىڭ جەڭىل اتلەتيكا فەدەراتسياسىنىڭ باسشىسى قىزمەتىنەن كەتتى، دەپ حابارلايدى "ادىرنا" ۇلتتىق پورتالى.
بۇل شەشىم قازاقستان جەڭىل اتلەتيكا فەدەراتسياسىنىڭ كونفەرەنتسياسىندا قابىلداندى. سونداي-اق، ونىڭ ورنىنا وليمپيادا چەمپيونى ولگا رىپاكوۆا تاعايىندالاتىنى حابارلاندى.
جيىنعا قازاقستاننىڭ تۋريزم جانە سپورت ءمينيسترى ەربول مىرزابوسىنوۆ، فەدەراتسيا پرەزيدەنتى، ايماقتىق فەدەراتسيالاردىڭ باسشىلارى، سپورتشىلار جانە فەدەراتسيا وكىلدەرى قاتىستى.
جيىن بارىسىندا دانيال احمەتوۆ ءوز وكىلەتتىگىن مەرزىمىنەن بۇرىن توقتاتۋ تۋرالى مالىمدەپ، فەدەراتسيا پرەزيدەنتى قىزمەتىنە تانىمال جەڭىل اتلەت ولگا رىپاكوۆانىڭ كانديداتۋراسىن ۇسىندى.
ايماقتىق فەدەراتسيالاردىڭ باسشىلارىن قوسا العاندا، جيىنعا قاتىسۋشىلار ونىڭ كانديداتۋراسىن ءبىراۋىزدان قولدادى.
"جەڭىل اتلەتيكا – ەلىمىزدەگى ەڭ تانىمال سپورت تۇرلەرىنىڭ ءبىرى. ءبىز جەڭىل اتلەتيكانى جاڭا دەڭگەيگە شىعارىپ، ونىڭ حالىقارالىق ارەناداعى تانىمالدىلىعىن ارتتىرۋىمىز قاجەت. بۇگىنگى جيىندا فەدەراتسيا جۇمىسىندا ماڭىزدى وزگەرىستەر بولدى. فەدەراتسيانى بىرنەشە جىل باسقارعان دانيال احمەتوۆ ءوز وكىلەتتىگىن توقتاتتى. ەندى فەدەراتسيا پرەزيدەنتى قىزمەتىن وليمپيادا چەمپيونى ولگا رىپاكوۆا اتقارادى. ونىڭ جەڭىل اتلەتيكامىزدى جاڭا بيىكتەرگە كوتەرەتىنىنە سەنىمدىمىز،" – دەپ اتاپ ءوتتى ەربول مىرزابوسىنوۆ.
