ۇلتتىق ويىندارىمىز – ۇلتتىق قاسيەتتەرىمىزدىڭ كوزى. بىراق وسى ۇلتتىق قاسيەتتەرىمىز عارىش عاسىرى مەن كومپيۋتەر داۋىرىندە اسا جوعارى دەڭگەيدە ناسيحاتتالىپ جۇرگەن جوق سياقتى.
بۇل تۇرعىداعى باستى پروبلەما – ەل ءسۇيىپ كورەتىن ءفيلمنىڭ (كينونىڭ) تىم ازدىعى. قۇلاگەر تۋرالى فيلم حالىق سۇيىسپەنشىلىگىنە اينالا الماعانداي. قۇسبەگىلەر مەن اتبەگىلەردىڭ اۋىر ەڭبەكتەرى تۋرالى فيلم بولسا، شىركىن! تۇسىرە بىلسەك، ۇلتتىق سپورت تۇرلەرى اينالاسىندا دا قىزىقتى كينولار قۇراستىرۋعا بولادى عوي.
ەگەر بالالارىمىزدى ۇلتتىق نامىسقا، ۇلتتىق ۇلگى-ونەگەگە، ۇلتتىق مادەنيەتكە ساي تاربيەلەپ وسىرگىمىز كەلسە، ءتول ويىندارىمىزدىڭ قىر-سىرى تۋرالى فيلمدەر تۇسىرسەك، ارتىق ەتپەس ەدى.
نۇرعازى ساساەۆ، “الاش ايناسى”
