2025 جىلى الماتىدا شوب سۋبسيديالاۋ قۇرالىن ىسكە اسىرۋعا جەرگىلىكتى بيۋدجەتتەن 32,6 ملرد.تەڭگە، رەسپۋبليكالىق بيۋدجەتتەن 20 ملرد. تەڭگەدەن استام قاراجات بولىنەدى. قاراجات وڭدەۋشى ونەركاسىپتى، IT جانە ءتۋريزمدى قوسا العاندا، ەكونوميكانىڭ باسىم سالالارىندا شوب سۋبەكتىلەرىنىڭ 2 مىڭنان استام جوباسىن قولداۋعا مۇمكىندىك بەرەدى.
2025-27 جىلدارعا ارنالعان بيۋدجەتتىڭ ءتيىستى جوباسىن الماتى ءماسليحاتىنىڭ الداعى سەسسياسىندا قاراۋ جوسپارلانۋدا. بۇل تۋرالى قالالىق ءماسليحاتتىڭ ءباسپاسوز قىزمەتى حابارلادى.
ەستەرىڭىزگە سالا كەتەيىك، 2024 جىلى الماتىدا كاسىپكەرلىكتى سۋبسيديالاۋ قۇرالىن ىسكە اسىرۋعا 47,9 ملرد.تەڭگە ءبولىندى، ونىڭ 18,1 ملرد. تەڭگەسى جەرگىلىكتى بيۋدجەتتەن، 29,8 ملرد. تەڭگەسى رەسپۋبليكالىق بيۋدجەتتەن ءتۇستى. بۇل قاراجات سۋبسيديالاۋ مەرزىمى ءالى جالعاسىپ جاتقان 2 298 قولدانىستاعى جوبانى قولداۋعا، سونداي-اق 82,8 ملرد.تەڭگە كرەديت سوماسىنا 875 جاڭا جوبانى ماقۇلداۋعا مۇمكىندىك بەردى.
سۋبسيديالانعان جوبالاردىڭ ەڭ كوپ سانى كولىك جانە قويما سالالارىنا (27,7%) جانە ونەركاسىپكە (25,5%) تيەسىلى. بۇل رەتتە، بارلىق جوبالاردىڭ 72% - ى نەگىزگى جابدىقتاردى ساتىپ الۋدى جانە بيزنەستى جاڭعىرتۋدى قوسا العاندا، ينۆەستيتسيالىق ماقساتتارعا قارجىلاندىرىلادى.
سۋبسيديالاۋدىڭ ارقاسىندا كاسىپكەرلەر ءۇشىن سىياقىنىڭ تۇپكىلىكتى مولشەرلەمەسى 8% - عا دەيىن تومەندەتىلدى.
كرەديتتەر بويىنشا پايىزدىق مولشەرلەمەنى سۋبسيديالاۋ كورسەتىلەتىن مەملەكەتتىك قولداۋ شارالارى اراسىندا ەڭ سۇرانىسقا يە قۇرال بولىپ قالا بەرەدى جانە كاسىپورىنداردى ءوز بيزنەسىن كەڭەيتۋ نە جاڭارتۋ ءۇشىن "قولجەتىمدى" قارجىلىق قاراجاتپەن قامتاماسىز ەتەدى، وسىلايشا تاۋارلاردىڭ باسەكەگە قابىلەتتىلىگى مەن ساپاسىن ارتتىرادى.
كاسىپكەرلىكتى قولداۋدىڭ بىرىڭعاي كەشەندى باعدارلاماسى بيزنەستى ىنتالاندىرۋ، وتاندىق وندىرۋشىلەردىڭ باسەكەگە قابىلەتتىلىگىن ارتتىرۋ جانە قازاقستان كاسىپكەرلەرى ءۇشىن جاڭا مۇمكىندىكتەر جاساۋ جونىندەگى مەملەكەتتىك ستراتەگيا شەڭبەرىندە ىسكە اسىرىلادى.
جالپى، اعىمداعى جىلدىڭ باسىنان باستاپ الماتىدا كاسىپكەرلىك بەلسەندىلىكتىڭ تۇراقتى ءوسۋى بايقالادى. 2024 جىلعى 1 قاراشاداعى جاعداي بويىنشا جۇمىس ىستەپ تۇرعان شوك سۋبەكتىلەرىنىڭ سانى 364,6 مىڭدى قۇرادى (جىل باسىنان بەرى ءوسىم 7,2% - عا). بۇل رەتتە، ءبىلىم بەرۋ (جىل باسىنان بەرى+13,6%), اقپارات جانە بايلانىس (+5,8%) جانە وڭدەۋ ونەركاسىبى (+5,6%) سياقتى سەكتورلارداعى كاسىپورىندار سانىنىڭ ارتۋى بايقالادى. اعىمداعى جىلدىڭ ءبىرىنشى جارتىجىلدىعىندا شوب ءونىمىن شىعارۋ 10,9 ترلن. تەڭگەنى قۇراپ، 22,4%-عا وسكەن.
