بۇگىن قر مادەنيەت جانە اقپارات مينيسترلىگىنىڭ قولداۋىمەن ق. قۋانىشباەۆ اتىنداعى قازاق ۇلتتىق مۋزىكالىق دراما تەاترىندا اسا كورنەكتى جازۋشى، قازاقستاننىڭ حالىق جازۋشىسى ءابىش كەكىلباەۆتىڭ 85 جىلدىعىنا ارنالعان «كەمەل تۇلعا كەلبەتى» اتتى حالىقارالىق فورۋم ءوتتى.
قر مام قولداۋىمەن ۇيىمداستىرىلعان فورۋم قاتىسۋشىلارىنا مادەنيەت جانە اقپارات ءمينيسترى ايدا بالاەۆانىڭ قۇتتىقتاۋ حاتى وقىلدى.
«ءابىش كەكىلباەۆتىڭ ونەگەلى ءومىرى تەك جازۋشىلىقپەن شەكتەلمەيدى. ول – مەملەكەتشىل قايراتكەر، ەل بولاشاعىنا ادال قىزمەت ەتكەن ساياساتكەر، پاراساتتىلىق پەن جاۋاپكەرشىلىكتىڭ سيمۆولى. تاۋەلسىز قازاقستاننىڭ نەگىزىن قالاۋشىلاردىڭ قاتارىندا تۇرىپ، ول ءوز بويىنداعى اسقاق رۋح پەن تەرەڭ ءبىلىمدى ەل يگىلىگى ءۇشىن سارپ ەتتى. ءابىش كەكىلباەۆ بىزگە بولمىسى بيىك تۇلعانىڭ قانداي بولۋى كەرەكتىگىن كورسەتتى. ونىڭ قالدىرعان ونەگەسى – ماڭگىلىك. ەندىگى مىندەت – وسى مۇرانى ساقتاپ، دامىتۋ، ءابىش الەمىن جاڭا زامانمەن ۇيلەستىرۋ»، – دەلىنگەن قۇتتىقتاۋ حاتتا.
حالىقارالىق فورۋم اياسىندا جازۋشىنىڭ ءومىرى مەن شىعارماشىلىعىنا ارنالعان «ءابىش كەكىلباەۆ الەمى» اتتى فوتو جانە كىتاپ كورمەسى ۇيىمداستىرىلدى. كورمەگە جازۋشىنىڭ قولجازبالارى، پۋبليتسيستيكالىق ماقالالارى، كىتاپتارىنان 150-گە جۋىق ەڭبەك، شىعارماشىلىق جولىن بەينەلەيتىن 20-دان استام فوتوسۋرەت قويىلدى.
ءىس-شارا بارىسىندا قالامگەردىڭ «داۋرەن كەشكەن» كىتابىنىڭ جانە تۇرىك تىلىنە اۋدارىلعان «KUY» كىتابىنىڭ تانىستىرىلىمى ءوتتى.
فورۋم سوڭىندا ن.ءجانتورين اتىنداعى ماڭعىستاۋ وبلىستىق مۋزىكالىق تەاترى ءابىش كەكىلباەۆتىڭ «شىڭىراۋ» اڭگىمەسىنىڭ جەلىسىمەن قويىلعان سپەكتاكلدى تاماشالادى.
ايتا كەتسەك، بيىل ەلىمىزدىڭ ءار تۇكپىرىندە زاڭعار جازۋشىنىڭ مەرەيتويىنا ارنالعان كەشەندى ءىس-شارالار وتكىزىلىپ جاتىر.
كەيىنگى ءتورت ايدىڭ وزىندە ادەبي كەشتەر، كەڭەيتىلگەن كىتاپ كورمەسى، ادەبي ساعاتتار، ت.ب. سياقتى 40-تان استام ءىس-شارا وتكىزىلگەن.
ايتالىق، 27 قىركۇيەكتە ماڭعىستاۋ وبلىسىندا وتكەن حالىقارالىق «ءابىش وقۋلارى» كونفەرەنتسياسى، «III حالىقارالىق ءابىش الەمى تەاتر فەستيۆالى» ءوتتى. تەاتر فەستيۆالىنە وتاندىق 5 تەاتر مەن شەتەلدىك 5 تەاتر ۇجىمى قاتىسىپ، ءابىش كەكىلباەۆ شىعارمالارىنىڭ ساحنالىق نۇسقاسىن قالا تۇرعىندارىنا ۇسىندى.
سونداي-اق، 6 جەلتوقساندا «Qazaqstan» تەلەارناسىندا ءابىش كەكىلباەۆتىڭ ومىرىنە ارنالعان «ءداۋىر دانالارى» باعدارلاماسى، «Abai TV» «جادىگەر» باعدارلاماسى ەفيرگە شىعادى.
8 جەلتوقساندا «حابار» تەلەارناسىندا «ءابىش كەكىلباەۆتىڭ زامانا لەبى» اتتى دەرەكتى فيلم كورسەتىلەدى.
