Búgin QR Mádenıet jáne aqparat mınıstrliginiń qoldaýymen Q. Qýanyshbaev atyndaǵy Qazaq Ulttyq mýzykalyq drama teatrynda asa kórnekti jazýshy, Qazaqstannyń halyq jazýshysy Ábish Kekilbaevtyń 85 jyldyǵyna arnalǵan «Kemel tulǵa kelbeti» atty halyqaralyq forým ótti.
QR MAM qoldaýymen uıymdastyrylǵan forým qatysýshylaryna Mádenıet jáne aqparat mınıstri Aıda Balaevanyń quttyqtaý haty oqyldy.
«Ábish Kekilbaevtyń ónegeli ómiri tek jazýshylyqpen shektelmeıdi. Ol – memleketshil qaıratker, el bolashaǵyna adal qyzmet etken saıasatker, parasattylyq pen jaýapkershiliktiń sımvoly. Táýelsiz Qazaqstannyń negizin qalaýshylardyń qatarynda turyp, ol óz boıyndaǵy asqaq rýh pen tereń bilimdi el ıgiligi úshin sarp etti. Ábish Kekilbaev bizge bolmysy bıik tulǵanyń qandaı bolýy kerektigin kórsetti. Onyń qaldyrǵan ónegesi – máńgilik. Endigi mindet – osy murany saqtap, damytý, Ábish álemin jańa zamanmen úılestirý», – delingen quttyqtaý hatta.
Halyqaralyq forým aıasynda jazýshynyń ómiri men shyǵarmashylyǵyna arnalǵan «Ábish Kekilbaev álemi» atty foto jáne kitap kórmesi uıymdastyryldy. Kórmege jazýshynyń qoljazbalary, pýblııstıkalyq maqalalary, kitaptarynan 150-ge jýyq eńbek, shyǵarmashylyq jolyn beıneleıtin 20-dan astam fotosýret qoıyldy.
Is-shara barysynda qalamgerdiń «Dáýren keshken» kitabynyń jáne túrik tiline aýdarylǵan «KUY» kitabynyń tanystyrylymy ótti.
Forým sońynda N.Jantórın atyndaǵy Mańǵystaý oblystyq mýzykalyq teatry Ábish Kekilbaevtyń «Shyńyraý» áńgimesiniń jelisimen qoıylǵan spektakldi tamashalady.
Aıta ketsek, bıyl elimizdiń ár túkpirinde zańǵar jazýshynyń mereıtoıyna arnalǵan keshendi is-sharalar ótkizilip jatyr.
Keıingi tórt aıdyń ózinde ádebı keshter, keńeıtilgen kitap kórmesi, ádebı saǵattar, t.b. sııaqty 40-tan astam is-shara ótkizilgen.
Aıtalyq, 27 qyrkúıekte Mańǵystaý oblysynda ótken Halyqaralyq «Ábish oqýlary» konferenııasy, «III Halyqaralyq Ábish Álemi teatr festıvali» ótti. Teatr festıvaline otandyq 5 teatr men sheteldik 5 teatr ujymy qatysyp, Ábish Kekilbaev shyǵarmalarynyń sahnalyq nusqasyn qala turǵyndaryna usyndy.
Sondaı-aq, 6 jeltoqsanda «Qazaqstan» telearnasynda Ábish Kekilbaevtyń ómirine arnalǵan «Dáýir danalary» baǵdarlamasy, «Abai TV» «Jádiger» baǵdarlamasy efırge shyǵady.
8 jeltoqsanda «Habar» telearnasynda «Ábish Kekilbaevtyń zamana lebi» atty derekti fılm kórsetiledi.
