ۋكراينالىق ميلليونەر ۆاديم ماشۋروۆقا قازاقستاندا ىزدەۋ جاريالانعان، دەپ حابارلايدى "ادىرنا" ۇلتتىق پورتالى Kazinform اگەنتتىگىنە سىلتەمە جاساپ.
"الماتى قالاسى بويىنشا ەكونوميكالىق تەرگەۋلەر دەپارتامەنتىنىڭ وندىرىسىندە ۆاديم ۆاديموۆيچ ماشۋروۆقا قاتىستى قىلمىستىق كودەكستىڭ 217-بابى 3-ءبولىمىنىڭ 2-تارماقشاسى بويىنشا ءىس قارالۋدا (قارجىلىق پيراميدا قۇرۋ جانە وعان جەتەكشىلىك ەتۋ، قىلمىستىق توپتىڭ ارەكەتىمەن، اقشا، باسقا مۇلىك نەمەسە قۇقىقتاردى تارتۋمەن، اسا ءىرى مولشەردە), — دەپ حابارلادى ۆەدومستۆو.
بۇل ارەكەت ءۇشىن 5 جىلدان 12 جىلعا دەيىن باس بوستاندىعىنان ايىرۋ، مۇلىكتى تاركىلەۋ، سونداي-اق بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەت تۇرىمەن اينالىسۋ قۇقىعىنان 7 جىلعا دەيىن ايىرۋ جازاسى قاراستىرىلعان.
قر قۇقىقتىق ستاتيستيكا جانە ارنايى ەسەپتەر پورتالىندا ۆاديم ماشۋروۆتىڭ 1997 جىلعى تۋعانى جانە 343 كۇننەن بەرى ىزدەۋدە ەكەنى كورسەتىلگەن. ءىس 2023 جىلدىڭ 28 جەلتوقسانىندا الماتىدا تىركەلگەن.
